YKan. 123 - Yus Papí: Shuarja̱i̱ Yus Yamaram Chicham Najanamu

Yus waitnentrurat tusa seamu

¹ Ame nayaimpiniam pujá asakmin paṉkain iyajme.

² Nekaata iniatai̱ ainia nu ni uuntri̱ uwejé̱n iirainiatsuk nuyá̱ nuwa̱ iniatai̱sha ni uuntri̱ nuwá̱ uwejé̱n iirainiawai núnisaṉ iin waitnentramam ii ji̱sha ii Yusri̱ Uunt Yusan íiniawai.

³ Maa iincha waitnenkarturta Uunt Yusá iincha waitnenkarturta. Warí iikia muí̱jramainiakrin katsú katsuntu nakitkíji.

⁴ Kame péṉker pujuiniana nu wishikramainiakrin tura naṉkamantu enentáimtumainiak wáitkiarmainiajnia nusha muí̱jramainiakrin katsú katsuntu yamaikia peṉké nakitkíji.