YKan. 122 - Yus Papí: Shuarja̱i̱ Yus Yamaram Chicham Najanamu

Uunt Yusa Je̱e̱n wéartai

Tawit kantamámu

¹ Uunt Yusa Je̱e̱n wetái tiármania núnaka ti wararsarmajai.

² Jerusaréṉka wáitirmin ii náwe̱ṉka init pujumai.

³ Ashí aents nu je̱a̱nam iruniarti tusar Jerusaréṉ pepruka apatka je̱a̱mkamuiti.

⁴ Uunt Yusa náari̱n shiir awajsatai tusar Uunt Yusa shuari̱ ni wea ainia nuka nui̱ṉ wáiniawai. Yusa jintíamuri̱ Israer shuaran súsaru asamtai túruiniawai.

⁵ Kame pujusár sumamtiktai̱sha nui̱ṉ írunui tura pujutái̱ri̱sha Tawitia je̱e̱n awai.

⁶ Jerusaréṉ aṉkant pujustin seattiarum. Anenmainia nuka péṉker pujusárti.

⁷ Ame tanishrumin initiaani̱ṉkia aṉkant atí tura ame je̱e̱minkia ayampratin atí.

⁸ Yatsurun tura amikrun aneamuja̱i̱ yamaikia áminkia aṉkant pujutarum títiatjai.

⁹ Ii Yusri̱ Uunt Yusa Je̱e̱ aneamuja̱i̱ṉ ame péṉkerumniaka e̱a̱ktájai.