YKan. 121 - Yus Papí: Shuarja̱i̱ Yus Yamaram Chicham Najanamu

Ní shuarnaka Uunt Yus wáinniuiti

¹ Náintiaani̱sha ashí íimiuta ajasan winia yáintkiatniusha tuya̱ṉ tatí, tu enentáimjiai.

² Kame tu enentáimiatnak Uunt Yus nayaimpincha tura nuṉkancha najanka nu wíniaka yaintkiattawai tajai.

³ Kame atajkintra̱i̱m tusa péṉker waitma nuka peṉké kánichuiti.

⁴ Nekaata Israeran wainna nuka kárinchaiti tura kanutnash peṉké kánichuiti.

⁵ Ámin waitma nuka Uunt Yusaiti tura ame untsuurumini̱ mikintiar awajtámna nusha Uunt Yuskete.

⁶ Tuma asamtai tsawai̱kia etsa̱sha tura kashí nantusha ipimtámkichartatui.

⁷ Uunt Yusak ashí yajauchinmaya̱ waitmaktatui. Tura Niṉkia ame wakanmincha waitramkattawai.

⁸ Uunt Yusak ame jiinkim weme ataksha tátatmena núnaka yamaiya̱ ju̱yá̱ waitmakmak tuke waitmattawai.