YKan. 120 - Yus Papí: Shuarja̱i̱ Yus Yamaram Chicham Najanamu

Wáitrin ainia nuyá̱ wáitkiata

¹ Jakamnia nekapeakun Uunt Yusan untsukmajai túram Nisha ái̱rkamai.

² Maa Uunt Yusru wáitrin ainia nuyá̱ tura iniai̱ji̱a̱i̱ anaṉkartin ainia nuya̱sha winia wakantruka aṉkant awajtúrsata.

³ ¿Maa wariṉ sunastam tura warí péṉkerak wáinkiatam iniai̱ji̱a̱i̱ wáitri̱yá̱?

⁴ Kame meseta unuimiátra naṉkirí̱ tí peṉker atsakamu numi uchich ukat ukatin kaí̱ri̱ya̱ tímianu wainkiattame.

⁵ Maj wisha urukawainjiatsuk, warí wikia íraraitjiai Miseknumka tura Ketara jutai̱ je̱e̱ írunmanum wisha nui̱ pujajai.

⁶ Aṉkant matsamsartinian muí̱jiainiana nuja̱i̱ tí untsurí tsawant winia enentái̱rka niṉki pujusuiti.

⁷ Wikia itiurchat pujustinian wakerichuitjiai tuma ai̱ṉ chichaakuinkia mesetan najatruiniawai.