YKan. 12 - Yus Papí: Shuarja̱i̱ Yus Yamaram Chicham Najanamu

Kuítrincha ainia nuna ayamprinkia Úunt Yusaiti

Kantamtikniun súak ju̱ kanta Tawit áaruiti.

¹ Maa Uunt Yusá, uwemtikrurta, warí Yusan umirin ainia núnaka amukcharaik. Núnisaṉ chichak tímiatrusaṉ umikmin ainia nu aentska ju̱ nuṉkanam pujuinia nusha meṉkararai.

² Tí peṉker chichainiayat aṉkant aṉkant ni írutramuri̱nkia anaṉkenawai. Warí tuuka enentáimiainiachiat núnis chichainiawai.

³ Tí peṉker chichainiayat ántar chichainia núnaka Uunt Yus emesrartatui.

⁴ Tura chichainiak “Warí íi chichame̱ja̱i̱ṉ iwiaakenatsjik. Tura íi chichame̱ṉ iinkia ayamprútmarni̱sha nuya̱sha ¿yaki ii úuntri̱sha ati?” tuíniawai.

⁵ Tura Uunt Yus chichaak “Kuítrinchasha wáitkiainiamu asamtai núnisan atsumainiasha útainia asamtai Wi wajatrattajai. Túran wáitkiainiak wishikiainia nuya̱ṉka uwemtikrartatjai” tawai.

⁶ Warí Uunt Yusa chichame̱ṉka kuit jíruk awajsatai tusar jinium siati awenar unuikiar kuit aya jíruk awajsamua tímianuiti.

⁷ Túrasha Uunt Yusá ame wáinkiartatme. Túram ju̱ aents ainia nuya̱ṉka tuke ayamprúkarta.

⁸ Yajauchin túramtai warartai áiniak netse ainia nusha téntakní̱ yujáu áiniawai.