YKan. 114 - Yus Papí: Shuarja̱i̱ Yus Yamaram Chicham Najanamu

Ejiptunmaya̱ jiinkimiu enentáimtamu

¹ Israer shuar Jakupa shuari̱ yajaya̱ Ejiptu nuṉkanmaya̱ jíintrarmia nui̱ṉkia

² Jutaka Yus Shiir Awajtai̱ Je̱e̱ ajasmai tura Israer shuarnumka Yus akupkámai.

³ Nayantsaka Nin wainkia ánik pisarmai tura Jurtan éntsaka úkumur waketkimiai.

⁴ Naintcha murik áishmaṉka núnisaraṉ nanten ajakármai tura naint tépeprachisha murik uchichia núnisaraṉ nanten ajakármai.

⁵ ¿Warí urukamtai nayantsá pisarmam tura amesha Jurtaná urukakmea úkumprusha waketkimiam?

⁶ Tura náintirmesha maa, ¿urukamtai murik uchichia núnisrumsha nanten ajakniuram tura atumsha tépetratirmesha murik uchichia núnikiuram?

⁷ Jiuwá íimmianum nuṉká tákeer ajata. Tura Jakupa Yusri̱ wantinkiamtai muchitkiata nuṉká.

⁸ Tura Nisha uunt muchiṉnumia̱ entsa pajamtai̱ najanamiayi tura uunt kayanmaya̱ṉ entsan waa awajsámiayi.