YKan. 113 - Yus Papí: Shuarja̱i̱ Yus Yamaram Chicham Najanamu

Kuítrinchan Yus ayampriniaiti

¹ ¡Naṉkamantuiti Jiuwá! Jiuwá takarin árumna nútirmeka shiir awajsatarum. Jiuwá naari̱ shiir awajsatarum.

² Yamaiya̱ ju̱yá̱ juárnakin tuke Jiuwá naari̱ shiir awajnásti.

³ Etsa̱ yama jiinia nuyá̱ naṉkamamutak akaana ímianaisha Jiuwá náari̱nkia shiir awajnásti.

⁴ Ju̱ nuṉkanam nisháa aents matsatainia núja̱i̱ṉkia naṉkamantuiti Jiuwaka. Ni páantniuri̱nkia nayaimpir nayaimpir naṉkakaiti.

⁵ ¿Yaki ii Yusri̱ya tímianait? Warí Jiuwá akupeakur pujutái̱ri̱ṉkia nayaimpiniam awai.

⁶ Tura tímianiaṉ Yus nayaimpincha tura nuṉkancha tsuntsumá iyawai.

⁷ Yus kuítrinchan nuṉkaya̱n inianteawai tura takurmakcha nuna tsuat ajaptai̱nmaya̱n pujuinia nuna aṉkant awajniuiti,

⁸ tura nú takurmakcha ainia nuna náakam awajás akupniu uchirí̱ matsatmanum péṉker apujenawai, kame akupniu uchirí̱n ni pépruri̱n apujenawai.

⁹ Tura nuwa̱ takuchua nuna uchin takus ní shuari̱n wainiak waras “Maa nukuach ajasjai” tití tusa Niṉki tsaṉkatniuiti. ¡Naṉkamantuiti Jiuwá!