YKan. 110 - Yus Papí: Shuarja̱i̱ Yus Yamaram Chicham Najanamu

Uunt Yus akupniun kakaram súamu

Tawit kantamámu

¹ Uunt Yus winia Úuntrun ju̱na chichaak “Akupin pujutai̱niam, winia untsuurui̱ni̱ pujusam Ame nemasrumin nupetkan Ámin umirtamkarti tusan amaamam nákarsata. Mat. 22:44; Isr. 1:3,13

² Kame Uunt Yus Seúnnumia̱ṉ akupin akupkur takutai̱ numi akuptúrmaktatui. Ame nemasrumsha matsatainiamunmaṉ akupin átatme.

³ Ame akupkatin tsawantruminkia Áminiu ainia nuka ni enentái̱ji̱a̱i̱ṉ pushiri̱ncha péṉkeran entsarar káshik sanamána, áintsaraṉ tuke tsawant Ámin suramsartatui.

⁴ Uunt Yus nekas tajai tusa ímia niṉki pachimias Wi tájana jú̱naka nekas umiktatjai. Ámeka Mirkiseték Yúsnan pujurniuya nuja̱i̱ métek tuke Yúsnan pujurin átatme tímiayi. Isr. 7:15-17,21

⁵ Uunt Yuska Ame untsuurumini̱ pujurtamui. Tuma asa Ni kajetáiri̱ tsawant jeamtaiṉkia ashí akupin pujuinia núnaka nupetkartatui.

⁶ Nuna tura ashí nuṉkanmaya̱ aentsun úuntri̱ntiuk sumamtikiuk jákaru aya̱shí̱sha ashí nuṉká piáktatui. Untsurí nuṉkanam akupin ainia nuna emeskattawai.

⁷ Nisha jintiá wesa entsá umar kakaram ajastatui” Uunt Yus tímiayi.