YKan. 100 - Yus Papí: Shuarja̱i̱ Yus Yamaram Chicham Najanamu

Yúmiṉkiakur Yus kantampramu

¹ Ashí nuṉkanam pujarmena nu warasrum Uunt Yus kantampruátarum.

² Núnisrumek warasrum Uunt Yus umirkuram tura ti shiir kanta kantamkirum Niin weamkatarum.

³ Nekaatarum, Uunt Yuska Yúsaiti. Imiá iikia najanmamachuitji. Antsu Ni najatmaitji. Kame murikiu wáinniua núnis wáitmaji. Tuma asar Ni shuaraitji.

⁴ Nu asamtai Yus je̱a̱nam waya̱rum yumiṉsarum ni Naari̱ ti shiir awajsatarum.

⁵ Warí, Uunt Yuska tí peṉker asa tuke nekas chichamtiniaiti núnisaṉ tuke waitnenkartiniaiti.