YKan. 1 - Yus Papí: Shuarja̱i̱ Yus Yamaram Chicham Najanamu

Péṉker enentáimkia tura Yusan enentáimtichu

¹ Ti shiir átatui ju̱na ánturna nu. Yajauch ainia nuna jintíamuri̱n tura yajauch túrin shuarja̱i̱ iruntrataj tusa wéatsna nu, núnisaṉ Yusan wishikin ainia nui̱ pachinchaitkiuṉka nu aentska nuna túrichu asa warastatui.

² Antsu Uunt Yus akupkámu chicham umiktinian tí enentáimtakᵘ waraawai. Túmak tsawai̱sha tura káshisha ti enentáimtawai.

³ Kame entsá yantam numi araamu wajas neretáiri̱ jeamtai tí nukap nereana tura nuke̱sha kákeatsna núnis áiniawai. Núnisaṉ Yus shuara túramuri̱sha nerektinia ántsaṉ ashí péṉker jukittiawai.

⁴ Túrasha Yusan enentáimtichu ainia núnaka núnischa áiniawai. Antsu niṉkia nase wampuishin umpuí júana núnis áiniawai.

⁵ Tuma ásar Yus aentsun sumamtikiattana nui̱ṉkia yajauchin túrin ainia nuka tariarchartatui. Nekas tunaan túrin ásar péṉkera túrin ainia nuja̱i̱ iruntratniun tujintkiartatui.

⁶ Warí péṉkera túrin ainia núnaka Uunt Yus nemarkawai. Antsu Yusan enentáimtichu ainia nuna wekaamuri̱ṉkia amukatniunmaani̱ júawai.