Wek. 26 - Yus Papí: Shuarja̱i̱ Yus Yamaram Chicham Najanamu

Israer shuar atsamunam akiiniwarua nuke nekapmamu

^1-54 Tura Uunt Yus Muisaisan chicharuk “Suntar ajasmin ainia nu ataksha nekapmarta” tutai nu shuar armia nuna aṉkant aṉkant ní shuari̱ji̱a̱i̱ nekapmararmiayi. Tura nekapmaram saisiantu mir nuya̱sha chikichik mir patak siatisiántu traintia ármiayi. Tura ataksha Yus Muisaisan chicharuk “Kanaan nuṉka urutmá úuntait tura urutmá untsurí ainia nuja̱i̱ métek nakantrati. Ti untsurí ainia nuka uunt nuṉkan júkiarminiaiti tura ishichik ainia nuka yáirchin júkiarminiaiti. Tura sunasartatna nuka urutmá untsurí ainia nuja̱i̱ métek sunasarti” tímiayi.

⁶⁴ Nui̱ pujuarmia nu Muisais Araunja̱i̱ Israer shuaran kampuntin atsunum Senainium nekapmararmia nui̱ṉkia atsuarmiayi.

⁶⁵ Núnaka Uunt Yus kampuntin atsú nuṉkanam mash jiniaatniuitrume timia ásar nu shuarka juákcharuyayi antsu Karep Jipuni uchirí̱ nuyá̱ Jusuí Nuuna uchirí̱ nuke juákaruyayi.