Use. 3 - Yus Papí: Shuarja̱i̱ Yus Yamaram Chicham Najanamu

Useas nua̱rí̱ aneachmaitiat aneamu

¹ Uunt Yus ataksha chichartak “Weme, nuwa̱ chíkich tsanirmakur aneamuk aneata. Kame Uunt Yus Israer shuar uwa nanekman yurumpruawar tura najankamu yusan wararainian wáiniat anea núnismek aneata” Uunt Yus turutmiayi.

² Nuya̱ṉka kinse kuitji̱a̱i̱ tura traisiantu traintia ritru sewata uwamun patatkan nuwa̱n sumarmakmajai.

³ Nuyá̱ nuwa̱n chicharkun “Ámeka wiji̱a̱i̱ núkap uwí pujustatme. Chíkich áishmaṉja̱i̱ tsanirmatsuk antsu nekas wíniak enentáimtursata. Tura wisha núnisnak áminiak enentáimtustatjame” tímiajai.

⁴ Israer shuar núkap tsawant akupniúrtichu tura úuntri̱ncha pujusártatui. Núnisaṉ taṉkuncha maa áestutsuk tura ántar yusri̱ncha kayaja̱i̱ nakumkar najantsuk pujusártatui. Nu arant Yúsnan takarkur awaṉketai̱ tura nekatai̱ kayarí̱sha nuyá̱ najanamu yus nekaatai tusar inintrútai̱ najankamusha atsuartatui.

⁵ Tura Israer shuarka ataksha ni Uunt Yusri̱ enentáimturar ni akupniúri̱ Tawitiai̱ waketkiartatui. Tura amúamu tsawantinkia Uunt Yusan ashamainiak kuraṉkar waitnenkartutairi̱n seawar Nin weantúkartatui.