Suma. 12 - Yus Papí: Shuarja̱i̱ Yus Yamaram Chicham Najanamu

Karaat aents Eprain shuarja̱i̱ mániamu

^1-3 Nuya̱ṉka Eprain shuarnumia̱ aents Jeptin chicharainiak “¿Urukamtai iinkia Amun aentsja̱i̱ mánaiktinkia ipiakratachmam? Tura yamaikia ámeka kajerkar jé̱e̱ntuk takamtsuk ekemáktatji” tiármiayi. Túrasha Jeptí chichaak “Ipiamjarme túrasha yáimkiachmarme túmaitiat Yus nupetmamtikramkamji” tímiayi.

^4-6 Kame Eprain shuarnumia̱nka mesetan najanattsa káunkaru ásarmatai Jeptikia Karaat aentsun irur Eprain shuarja̱i̱ mánaikiarmiayi túrasha Eprain aentsun nupetkarmiayi. Túrasha Eprain shuarka pisakármiayi. Kame Eprainniumia̱ aents “shépuret” titiá takui̱ antsu “sépuret” tuíniakui Karaat shuarnumia̱ nekaawar kuaraintitús mir aentsun Eprainniumia̱n máwarmiayi.

^7-15 Kame Jeptikia sais uwí Israer shuara uuntri̱ ajas pujus jakamiayi. Nuya̱ṉka Ípsan uuntri̱ ajas siati uwí pujusmiayi. Ni uchirí̱sha traintia tura nawantri̱sha traintia ármiayi túrasha Israer shuarchaja̱i̱ nuatnairarmiayi. Nuyá̱ Ípsan jakamtai uuntri̱ ajas tias uwí Irun pujusmiayi. Nu jakamtai Aptun uuntri̱ ajas uchu uwí pujusmiayi. Niṉkia kuaraintia uchin tura traintia tiraṉkin takakuyayi.