Riw. 2 - Yus Papí: Shuarja̱i̱ Yus Yamaram Chicham Najanamu

Araka nere Yus súamu

¹ Yaaksha Uunt Yusan araka nere̱n súsatniun wakeraka asuitincha tura kuṉkuinniasha ukatkatniun tí peṉker nekeṉma arinian susati.

² Nuyá̱ Arauna uchirí̱ Yúsnan pujurin ainia nuna itiariartatui. Tura Yúsnan pujurin nu trikiu péṉker nekeṉma susamua nuna uwejé̱ja̱i̱ weṉkuk asuitinkia ishichik tura kuṉkuinniaka takamtsuk ikius shiir awajuk tuke enentáimtursati tusa áestuatniuiti. Yus áestamu asa Uunt Yus áestuatin susamu áestamun ti shiir kuṉkuan nekaprattawai.

³ Kame Uunt Yus susamu áeseamuka ti shiir awajsamu asa aya Yúsnakete. Tuma asamtai Yus susamu tiártatna núnaka aya Araun tura ni uchirí̱ji̱a̱i̱ṉ yuáwartatui.