Neem. 7 - Yus Papí: Shuarja̱i̱ Yus Yamaram Chicham Najanamu

¹ Nuyá̱ Jerusaréṉ pepru wenuke̱ yumpuntrarun ataksha iwiarka amukan wáitiri̱ncha ikiursarmajai. Nuya̱ṉka wa̱i̱ti̱a̱i̱ wáinin áiniancha kantamin áiniancha tura Riwí shuarnasha anairarmajai.

² Nuna túran winia yatsur Ananinkia Jerusaréṉ pepru wáinkiatniun nuyá̱ Ananíasnaka wenuka wá̱i̱ti̱a̱i̱ri̱n wáinin ainia nuna uuntri̱ anaitiukmajai. Warí Ananíaska untsurí áentsja̱i̱ṉkia naṉkaamas Yusan ashamak nekas umirin asamtai anaikiamjai.

³ “Jerusaréṉnum waiti ainia nuka etsa̱ jíintsa̱i̱ṉkia uraimiu ácharti. Tura waiti wáinin ni pujutái̱ri̱n pujuiniakka waiti epeniar asakawarti. Tura Jerusaréṉnumia̱ shuar pepru iin anaikiarum aṉkant aṉkant awajsarum tura chíkichkia ní je̱e̱n naka íirkamunam wajas íisarat tusarum anaikiarum awajsatarum” tiármajai.

⁴ Warí, pépruka ti úuntauyi túrasha nui̱ pujuarmia nuka ishichik aents aṉkant aṉkant pujutar pujutar ajainiak ántsaṉ je̱a̱ka tuke emeskamu atakka awaiṉki̱ je̱a̱mkachma ármiayi.

Misá yaruakarma Surupapírja̱i̱ waketrar káunkaru

⁵ Nui̱ṉkia ashí peṉkeri̱ ainia nusha úuntri̱ncha nuyá̱ ashí aentsnasha iruraran ni uuntrí̱ náari̱ji̱a̱i̱ métek áamararat tusa Yus winia enentáimtikrurmai. Tura yaunchu káunkarusha ni uuntrí̱ náari̱ji̱a̱i̱ métek áamararma papin wainkiamjai. Nui̱sha jú̱nis aarma ámiayi.

⁶ Papirúnianmaya̱ úunt akupin Napukutunusúr achirar yaruakma Jerusaréṉnum tura Jutanam aṉkant aṉkant ni uunt mátsatkamuri̱n waketrar káunkaruka tura ni pépruri̱n waketkiar matsamsaruka ju̱ áiniawai.

⁷ Nusha Jesúa, Neemías, Asarías, Raamías, Najamani, Martukíu, Wírsan, Mísparit, Wikwai, Neum tura Paana Surupapírja̱i̱ waketrar káunkarmiayi. Tura Israer shuar nekapmaramaka áishmaṉ jú̱nis áiniawai,

⁸ Parus weaka 2.172 armai.

⁹ Sejatías weaka 372 armai.

¹⁰ Araj weaka 652 armai.

¹¹ Jesúaja̱i̱ Juap shuar Pajat-muap weaka 2.818 armai.

¹² Iram weaka 1.254 armai.

¹³ Satu weaka 845 armai.

¹⁴ Sakái weaka 760 armai.

¹⁵ Piniuí weaka 648 armai.

¹⁶ Pipái weaka 628 armai.

¹⁷ Askata weaka 2.622 armai.

¹⁸ Atuníkiam weaka 667 armai.

¹⁹ Wikwai weaka 2.067 armai.

²⁰ Atin weaka 655 armai.

²¹ Esekías uchirí̱ Atir weaka 98 armai.

²² Aasum weaka 328 armai.

²³ Pisái weaka 324 armai.

²⁴ Aripia weaka 112 armai.

²⁵ Kapaun weaka 95 armai.

²⁶ Piriṉnumia̱ tura Netujánmaya̱ áishmaṉka 188 armai.

²⁷ Anatútnumia̱ áishmaṉka 128 armai.

²⁸ Pit-asmawít áishmaṉ áiniaka 42 armai.

²⁹ Kiriat Jearímnumia̱, Kapiranmaya̱ tura Pirutnumia̱ áishmaṉka 743 armai.

³⁰ Ramanmaya̱ tura Képanmaya̱ áishmaṉka 621 armai.

³¹ Míkmasnumia̱ áishmaṉka 122 armai.

³² Pitirnumia̱ tura Áainmaya̱ áishmaṉka 123 armai.

³³ Chíkich Nepunmayaṉka 52 armai.

³⁴ Chíkich Iram weaka 1.254 armai.

³⁵ Arim weaka 320 armai.

³⁶ Jirikiú weaka 345 armai.

³⁷ Ruut, Jatit tura Unu weaka 721 armai.

³⁸ Senáa weaka 3.930 armai.

Yúsnan pujurin

³⁹ Yúsnan pujurin ainia Jesúa je̱e̱ya̱ Jetayás weaka 973 armai.

⁴⁰ Imir weaka 1.052 armai.

⁴¹ Páshur weaka 1.247 armai.

⁴² Arim weaka 1.017 armai.

Riwí shuar

⁴³ Riwí shuar Jesúa, Katmiar tura Jutapías weaka 74 armai.

⁴⁴ Kantamniuka Asap weaka 148 armai.

⁴⁵ Wa̱i̱ti̱a̱i̱ iinkia Sarum, Atira, Tarmun, Akup, Jatitia tura Supai weaka máshikia 138 armai.

Yusa Je̱e̱n takáu

⁴⁶ Yusa Je̱e̱n takáu ju̱ weanmaya̱ ármiayi: Seja, Asupa, Tawaut,

⁴⁷ Kirus, Seaj, Patun,

⁴⁸ Ripiana, Akawa, Sarmai,

⁴⁹ Janan, Jetir, Kajar,

⁵⁰ Reaía, Resen, Nikuta,

⁵¹ Kasam, Usa, Pasea,

⁵² Wisai, Mijiunim, Nepusesem,

⁵³ Pakpuk, Jakuta, Arjur,

⁵⁴ Pasrit, Mijitia, Jarsa,

⁵⁵ Parkus, Sésara, Tema,

⁵⁶ Nisea tura Jatipa wea tura ashí ju̱ wea Yusa Je̱e̱n takáu armai.

⁵⁷ Saramúṉka takarniúri̱ weanmaya̱ṉka Sutai weanmaya̱, Supirit weanmaya̱, Piritia weanmaya̱,

⁵⁸ Jaara weanmaya̱, Tarkun weanmaya̱, Jitier weanmaya̱,

⁵⁹ Sejatías weanmaya̱, Jatir weanmaya̱, Pucheret-jasewaim weanmaya̱ tura Amun weanmaya̱ ármiayi.

⁶⁰ Yusa Je̱e̱n ashí takáu ainia nui̱m tura Saramúṉka takarniúri̱ wea armia nuí̱miaka máshikia 392 armai.

Israer shuarashit nuna iniakmastinian tujinkiaru

⁶¹ Chikitcha Jerusaréṉnum waketrar káunkarmiayi tura nuka Tir-miraiya̱, Tir-jarsaiya̱, Kirupnumia̱, Atunnumia̱ tura Imirnumia̱ ármiayi. Túrasha tu weanmaya̱it tura ni aparí̱sha ya shuarait núnisaṉ Israer shuarkait núja̱i̱ṉchukai Israer shuarchakait nuna iniakmastinniasha peṉké tujintkiarmiayi.

⁶² Nuka Teraya, Tuwías tura Nikuta weaka 642 armai.

Yúsnan pujurniuashit nuna iniakmastinian tujinkiaru

⁶³ Apayás, Kusa tura Parsirái wea Yúsnan pujurin armai. Tura Parsiráikia Karaatnumia̱ Parsirái nawantri̱ nuatka asa niisha núnisaṉ naamkamiayi.

⁶⁴ Ju̱nasha tu weanmaya̱ ainia nu anujkamuncha nunasha e̱a̱karsha wáinkiachar Yúsnan pujurniunmaya̱ṉka ji̱i̱rarmiayi.

⁶⁵ Nú asamtai Yúsnan pujuniurin Urimian Tumimji̱a̱i̱ takaku nu túrataru tumam yurumak Yusna akantúkma yuáwairap tusa Jerusaréṉka uuntri̱ nu aentsnaka suritkiarmai.

⁶⁶ Ashí iruntrarmia nu nekapmarmaka 42.360 armai.

⁶⁷ Nu arant ni takarniúri̱ nuwa̱sha tura áishmaṉsha nekapmaram 7.337 armai. Nuwa̱sha áishmaṉsha kantamin arma nu 245 armai.

⁶⁸ Ni kawairi̱ṉkia 736 armai tura kawái múwaka 245 armai.

⁶⁹ Ni kamiyuri̱sha 435 armai tura ni umpururi̱sha 6.720 armai.

⁷⁰ Núnisaṉ apa armia nunasha takakmastinian súsarmai. Tura uunt Surupapír menaint ripra nuyá̱ ajapén jean kurin susa nuyá̱ 50 amamkun tura Yúsnan takarkur entsatai̱ pushin 530 susamai.

⁷¹ Apa armia nusha 72 ripra jean kurin súsarmai nuyá̱ 550 ripra jean kuítniasha súsarmai.

⁷² Nuyá̱ aents pujuinia súsarma nuka 72 ripra jean kurin súsarmai. Tura 500 ripra jean kuítian tura 67 pushí Yúsnan takarkur entsatáin súsarmai.

⁷³ Yúsnan pujurin tura Riwí shuar ainia nu núnisaṉ waiti wáinin nuyá̱ kantamniusha tura Yusa Je̱e̱n takakma arma nusha nuyá̱ ashí Israer shuarsha ni pépruri̱ni̱ṉ matsamsarmai. Siati nantu jeatsa̱i̱ṉ ashí Israer shuar ní pepruri̱ni̱ṉ matsamsarmai.