Neem. 10 - Yus Papí: Shuarja̱i̱ Yus Yamaram Chicham Najanamu

¹ Papin kuesmararuka ju̱ áiniawai uuntri̱ Neemías Akaríasa uchirí̱ tura Setekíasja̱i̱.

² Tura Serayás, Asarías, Jirimías,

³ Páshur, Amarías, Markías,

⁴ Jatus, Sepanías, Maruk,

⁵ Arim, Mirimiút, Aptías,

⁶ Taniar, Jinitiún, Paruk,

⁷ Misurám, Awías, Mijiamín,

⁸ Maasías, Pirkái tura Semayás ániawai tura ju̱ka Yúsnan pujurin ármiayi.

⁹ Tura Riwí shuarka ju̱ ármiayi: Asaníasa uchirí̱ Jesúa tura Piniuí uchirí̱ armia nu Enatát, Katmiar,

¹⁰ tura ni yachi̱ armia nu Sepanías, Uutías, Keritia, Pirarías, Janan,

¹¹ Mikía, Rejup, Asapías,

¹² Sakur, Serepías, Sepanías,

¹³ Uutías, Pani tura Pininiu.

¹⁴ Pepru úuntri̱nkia ju̱ ármiayi: Parus, Pajat-muap, Iram, Satu, Pani,

¹⁵ Puni, Askat, Pipái,

¹⁶ Atunías, Wikwai, Atin,

¹⁷ Atir, Esekías, Asur,

¹⁸ Uutías, Aasum, Pisái,

¹⁹ Arip, Anatút, Nepái,

²⁰ Makpías, Misurám, Jisir,

²¹ Misesapir, Satuk, Jatúa

²² Piratías, Janan, Anías,

²³ Useas, Ananías, Asup,

²⁴ Jarujes, Pirjá, Súpik

²⁵ Rejum, Masías, Asapna,

²⁶ Ajías, Janan, Ánaṉ,

²⁷ Maruk, Arim tura Paana.

Umiktin Chícham najanamu

²⁸ Nuyá̱ péprunmaya̱ juákaruka: Yúsnan pujurin tura Riwí shuar, wáitin wáinin nuyá̱ kantamin núnisaṉ Yusa Je̱e̱n iniatai̱ ántsaṉ ashí nuṉkanmaya̱ pepru ainia nuyá̱ Yus akupkámun umiktaj tusa ashí kanakiáruka ni nua̱ri̱ji̱a̱i̱ tura uchirí̱ji̱a̱i̱sha, nawantri̱ji̱a̱i̱ tura ashí antukar émamkes iisar nekanawarmia nuka.

²⁹ Atsá iikia nakitiaji tusar tura nekas umíakur Umiktin Chicham Yus najanamun Yusan takarniuri̱ Muisaisan susamia nu umiktaji titiai tusar ni yachi̱ji̱a̱i̱ tura péprunam péṉkeri̱ armia nuja̱i̱ iruntrarmiayi. Tura Akupkámu Umiktin Chicham, akupkámu chichaman nuyá̱ umiktin chicham ii uuntri̱ Jiuwá akupkámuka ashí umikiartatji titiai tusar ashí iruntrarmiayi.

³⁰ Áintsaṉ chíkich nuṉkanmaya̱ aentska ii nawantri̱nkia súsashtai tura ni nawantri̱ncha ii uchirí̱sha péṉke nuatkacharti tiármiayi.

³¹ Núnisrik chíkich nuṉkanmaya̱ aents ayampratin tsawantin tura surutai̱n tura yurumkancha suruktajtsa itiarmataisha sumarkachartatji. Nu tsawantincha tura Yus akantúkma tsawantincha pachischartai. Tura siati uwitinkia nuṉkasha ayamtikrattaji tura ashí tumashsha tsaṉkurartatji.

³² Tura nu arantcha tuke uwitin chikichik síkrunmaya̱ menaintⁱᵘ nakakma nuyá̱ chikichik sútatji ii Yusri̱ Je̱e̱n takat takantsat tusar tiármiayi.

³³ Tura nu kuit susamuja̱i̱sha Yus Iiji̱a̱i̱ Pujawai tama páṉnasha najanawarmai, tuke Yus aestuatin tura takamtsuk taṉku aestuatniun, ayampratin tsawantin aestuatniusha, nantu yama taaku nuyá̱ chíkich nampernasha tura Yusa Je̱e̱n takatai̱, Israer shuar tunáa túramunam taṉku maar aestuatniun tura ii Yusri̱ Je̱e̱n ashí takat takakmastinia súaji taji.

³⁴ Yúsnan pujurniutisha Riwí shuar tura ashí shuartisha ii Yusri̱ Je̱e̱n aestuatniun yaki jinia ikiankatniun awakmakat tusar nekapsar íismaji. Chikichik uwitin urutmá tsawanta apa ni shuari̱ji̱a̱i̱ itiatniuit nusha ii Yusri̱ Jiuwá aestuatin akupkámu ana nuja̱i̱ métek umíakur túramji.

³⁵ Kame nekas umiktatji tákur ii nuṉke̱n árak emka nerekarma tura ashí numí nere̱sha tuke uwitin Uunt Yusa Je̱e̱n ikianiartatji.

³⁶ Núnisrik ii uchirí̱ iwia̱i̱ri̱sha tura ii waakari̱ emka petsakarmasha ikianiartatji. Muisais akupkámu amaana tímiatrusrik ii murikrí̱ tura waakari̱ emka petsakarmasha ii Yusri̱ Je̱e̱n Yusnan pujurin takakmainiana nu itiariartatji.

³⁷ Áintsarik tí peṉker nekeṉmasha tura ii ata̱a̱rar súsarmasha núnisaṉ ashí yuraṉke nere̱sha wíniusha asuitisha Yúsnan pujurin súsartin Yusa Je̱e̱n kuit ikiutai̱ tesamua nui̱ ikianiartatji. Núnisrik Riwí shuar súsartincha ii nuṉke̱n súana nu tiásnumia̱ chikichik akankar ikianiartatji. Núnisaraṉ Riwí shuarka ashí péprunam aents takakmartatna nuyá̱ tiásnumia̱ chikichik akankámu sunasartatui.

³⁸ Tiásnumia̱ chikichik akankámun Riwí shuar juíniakui Yúsnan pujurin Arauna uchirí̱ nui̱ pujutniuiti. Tura nu akankámunmaya̱n ataksha tias akankámun chikichkiniak Yusa Je̱e̱n kuitri̱ ikiutai̱ tesamunam Riwí shuar júkiartiniaiti.

³⁹ Kame Israer shuar Riwí shuarja̱i̱ ántar súsarma araka nere̱n tura winiu yamarmancha núnisaṉ asuitincha nu tesamunam ikiusártiniaiti. Núnisaṉ Yusna takarkur takatai̱ tura Yúsnan pujurniusha nuyá̱ waiti wainniusha tura kantamin armia nusha nui̱ pujusártiniaiti. Tura ii Yusri̱ Je̱e̱ṉka peṉké ikiukchartatji tákur nekas umiktatji tiármaji.