Mik. 2 - Yus Papí: Shuarja̱i̱ Yus Yamaram Chicham Najanamu

Uuntri̱ yajauch túrawar asutniáwartin

^1-11 ¡Peakrí̱n tepesar aya yájauchiniak enentáimiainia nusha aneararti! Warí kakarman takaku ásar peṉké tsawa̱rmanumaṉ yajauchinkia túruiniawai. Túrasha nekaata, Uunt Yus chichaak “Jú̱ aentsun yajauchin itiariártajai. Túramka asa̱a̱s íimsatniunkesha tujintkiartatui warí tsawantcha peṉké yajauch átatui. Kame Winia chichampruka péṉker wekaana núnaka péṉkerka awajtsuk. Túrasha átumka Wi shuarka atumí nemasri̱ya̱ nútiksarum kajerarme. Nu yajauch túramunam emesnakrum amukáttarme.

^12-13 Ti nekas Israer shuar juákaru ainia núnaka juukartatjai túran murik wénuimiunam matsatna nútikian matsastatjai. Túram untsurí aents matsamás tétete ajá matsamártatui. Ni akupniúri̱nkia Uunt Yus eem wétatui” tíniuiti Uunt Yus.