Mar. 13 - Yus Papí: Shuarja̱i̱ Yus Yamaram Chicham Najanamu

Yusa Uunt Je̱e̱ yumpuntratniun Jesus ujakma

¹ Yusa Uunt Je̱e̱ya̱ Jesus jiinkimtai unuiniamuri̱ Nin chicharuk “Iisiá, Uuntá, kayasha ti shiir áiniawai. Je̱a̱sha imiá úuntchakait.”

² Tutai Jesus chichaak “Ju̱ imiá uunt je̱a̱ wáinmek. Kaya ekentramua au ashí mash yumpuntrartatui” tímiayi.

Amuukatin tsawant uruku átata

³ Nuyá̱ Uriwiu nainnium wákar Yusa Uunt Je̱e̱n naka íirtanum Pítrusha, Jakupusha, Juaṉsha, Antressha, níniak Jesusan anintruiniak

⁴ “Uuntá, tímiam nu, ¿urutía túrunatta. Nu túrunatin jeakuisha itiura nekaattajia? Paant ujakratkata” tiármiayi.

⁵ Tutai Jesus chichaak “Aneartarum, anaṉkramawairap.

⁶ Nekaatarum, untsurí winia náarun pachisar winiartatui. Chíkich chíkich ‘Witjiai Kristu’ taku, untsurín anaṉkawartatui.

⁷ Tura mesetan najanainiawai tama ántakrumka tura yajaya̱ meset chicham ántakrumsha sapijmiakairap. Nekas túrunashtinkiait. Núja̱i̱sha amuukatin tsawantka tuke jeatsui.

⁸ Shuar chíkich shuarja̱i̱ mesetan najanawartatui. Uunt nuṉka mátsatkamu chíkich uunt nuṉka mátsatkamuja̱i̱ mesetan najanawartatui. Untsurí nuṉkanam ú̱u̱rkattawai. Tsukasha ártatui, charaatum ajamusha núnisaṉ átatui. Nuja̱i̱ itiurchatka aya yáma naṉkamnak túrunattawai.

⁹ Túrasha atumek anearum íimiastarum. Warí átumka uuntri̱ iruntai̱niam jukimiu átatrume. Túrutmawarmatai Israer shuar iruntai̱ je̱a̱nam asutniáttarme. Núnisrumek Winia enentáimturkurmin námkaru ainia nui̱sha tura úunt akupniunmasha junaktiatrume. Tura nui̱sha Winia chichamur etserkattarme.

¹⁰ Nu túmatsa̱i̱ṉ ashí aentsnum Yus Chicham etsernaktiniaiti.

¹¹ Atumín surutmaktasar juramainiakuisha warintiajak tusarum ti enentáimsairap. Chichastin jeamtai Yusa Wakaní̱ jintintrámattarmena nu titiarum. Iis, atumí enentái̱ji̱a̱i̱ tíchattarme antsu Yusa Wakaní̱ jintintiam títiatrume.

¹² Nu tsawantin shuar ni yachi̱n mantamnat tusa suruktatui. Apasha ni uchirí̱n suruktatui. Uchisha aparí̱ncha nukurí̱ncha kajerak jakati tusa suruktatui. Núnisaṉ untsurí shuar túrawartatui.Mik. 7:6; Mat. 10:35-36

¹³ Nuiṉkia Wí shuar asakrumin ashí nakitrámprartatui. Tura shuar yawe̱tsuk katsuntraṉka uwemprattawai” tímiayi.

¹⁴ Nuyá̱ Jesus chichaak “Shuar ju̱na áujeana nu nekaati. Yúsnan etserin ni naari̱ Taniar, ti yajauch tuke emesin ana nunaTan. 9:27; 11:31; 12:11 yaunchu aar etserkamiayi. Nuka pujushtainiam pujan wáinkiurmesha ashí Jutanam pujarmena nu nainnium pisartarum.

¹⁵ Je̱a̱ yakiini̱ pujana nu akaikí̱ wariri̱ achiktajtsa je̱e̱n waya̱shti.

¹⁶ Ajanam pujana nusha ni pushiri̱n jukitiajtsa waketkishti.

¹⁷ Tura ajamtin áiniana nusha tura kuírchin umuntsainia nusha nu tsawantin timiá itiurchatan wáinkiartatui.

¹⁸ Tuma asamtai átum pisarmena nui̱ yumitin áchati tusarum Yus seatarum.

¹⁹ Nu tsawantinkia tí waitsatin átatui. Yama naṉkamtaik Yus nuṉkan najanama nui̱sha, yamaisha ukunmasha timianú wáitsatin peṉké atsuttawai.

²⁰ Tura Uunt Yus wáitsatin tsawantan ishichik awajsattajai tíchaitkuiṉkia uwempratin peṉké atsuinti. Tura ni shuari̱n anaikiamia nuna yáiṉtajtsa wakerak nu tsawantan ishichik awajsattawai.

²¹ Nu tsawantai̱ ‘ju̱i̱ti Kristu’ túramkuiṉkia anturkairap.

²² Kame ‘Krístuitjiai’ ántar tuinia nu tura ‘Yúsnan etserniuitjiai’ ántar tuinia nusha wantinkiartatui. Wantinkiar Yus anaikiamu shuarnasha anaṉkatai tusar wakeruiniak ni kakarmari̱n iniakmainiak aentsti tujintiamun túriartatui.

²³ Tura átum aneartarum. Aetak túmatsa̱i̱ṉ ujakchajrumek” tímiayi Jesus.

Aents Ajasu tutai tátin

²⁴ Jesus tuke unuiniak ju̱na chichaak “Tura nu wáitsatin naṉkaamasmatai etsa̱sha nantusha etsantrashtatui.

²⁵ Yaasha nayaimpinmaya̱ kakekartatuiIsa. 13:10; Juir 2:30-31 tura nayaimpiniam kakaram ainia nu muchitrartatui.

²⁶ Nuya̱sha ashí aents Winia wáitkiartatui. Wi, Aents Ajasuitjiana ju̱, ti kaka̱ran, ti wincha ajasan yuraṉminiam winiái̱ wáitkiartatui.Tan. 7:13

²⁷ Nui̱ nayaimpinmaya̱ suntarun akupkáttajai Wí shuaran ashí nuṉkanmaya̱n irurarat tusan. Arakaani̱ya̱, nuṉkaani̱ya̱, ashí nuṉka náṉkatkamunmaya̱n Wí shuaran irurartatui.

²⁸ Ikiu numi nakumea nu nekaatarum. Ni nukareakui ‘ju̱ nuṉkanam esat jeatémai’ tátsurmek.

²⁹ Núnisrumek Wi tájarmena nu wáinkiurmeka ni tátintri̱ jeatéma nu nekaattarme.

³⁰ Nekas tájarme yamái aents pujuinia nu kaji̱ṉ amuiniatsa̱i̱ṉ ashí Wi tájana nu túrunatniuiti.

³¹ Nayaimpisha nuṉkasha amuukatniuiti. Tura winia chichampruka amuukashtiniaiti.

³² Tura tsawantcha nekanachminiaiti. Nayaimpinmaya̱ suntarsha nékainiatsui, Wisha Yusa Uchirí̱ntiatan nékatsjai. Aya winia Aparuk nékawai.

³³ Atumsha anearum enentáimprarum Yus áujsarum pujustarum, tsawant nékachu asarum.

³⁴ Tura Wikia ju̱ shuarja̱i̱ méteketjai. Ju̱ shuarsha jeachat wéak ni je̱e̱n ikiuawai. Ikiuak ni shuari̱n waitrukarti tusa apujas ikiuak ashí shuaran takatrí̱n suawai. Tura wáitin wáinniun ‘ameja péṉker wáinkiata’ timiai.

³⁵ Wikia nu je̱a̱ nérenniua núnisnak urutái tátataj nékachu asarum anearum pujustarum. Kí̱araimpiash tura ajapkeash atash shiniukaimpiash káshikiash tátaj.

³⁶ Nérentin aya aneachmak taa kanúu tepái̱ waitki̱a̱i̱ tusarum aneartarum.

³⁷ Wi atumín tájana nu, ashí shuaran tajai anearum pujustarum” tímiayi Jesus.