Juup 8 - Yus Papí: Shuarja̱i̱ Yus Yamaram Chicham Najanamu

Pirtat chichatan náṉkamma

¹ Juupa amikri̱ Suánmaya̱ Pirtat chicharuk

² “¿Urutáik ámeka nuní̱ chicháu áchatam? Tura chichammesha nase kakaram téter ajakí̱ winiana ¿núnis áchat?

³ Antsu Yussha ¿péṉker túramun émeseawak? Túrutskesha Ashí Tujintkiachu Yus péṉkera tura nuna ¿yajauch awajeawak?

⁴ Ame uchiram nekas tunaan túrawaru ásarmatai Uunt Yus asutiácharmashi.

⁵ Tuma asamtai amesha káshik Yus e̱a̱kaintme. Túram Ashí Tujintkiachu Yus seamka

⁶ tunaarincha tura péṉker túriniaitkiumni̱ṉkia, wi íismaka Yussha shintiar nekas péṉker túriniuyamna nuiṉ ímiatrusar pujustinian ataksha yaintmakainti.

⁷ Yama juárkum ame ímianchachitkiumnisha atakka nuna naṉkaamas náakam awajsamu átatme.

⁸ Wats yaunchu we̱a̱ta aparí̱sha itiurak pujú armia nu amesha inintrúsam nekaata.

⁹ Kame iikia yá̱u̱yaitji tuma asar peṉké nekatsji, ii tsawantri̱ ju̱ nuṉkanmaṉka mikintra áintsaiti.

¹⁰ Yáunchuya̱ aarmia nusha jintintramachartatuak tura ni enentái̱ya̱ jiinia nú chichamchanak ujatmákartata.

¹¹ ¿Petsasha kuchanmanchu tsakarminkiait? ¿Entsaya̱ akapmaas entsaja̱i̱nchu tsakarminkiait?

¹² Samekaitiat tura tsupikchamaitiat chíkich nupa̱ka káiniatsa̱i̱ṉ niyá káawiti.

¹³ Núnis áiniawai ashí aents Yusan kajinmatainia nuka tura Yusan enentáimtichu ainia nuna wakeramuri̱ṉkia amutukartatui.

²⁰ Shuar péṉker enentáimkia ainia núnaka Yuska peṉké nakitchaiti tura yajauch shuarnaka yaya̱tsui.

²¹ Tura wishirtinniasha nuyá̱ warasar untsumkatniuncha Yus amastatui.

²² Ame nemasmeka natsan ajakártatui tura Yusan umircha ainia nuna pujutái̱ri̱nkia emeskamu ártatui” tímiayi Pirtat.