Juup 6 - Yus Papí: Shuarja̱i̱ Yus Yamaram Chicham Najanamu

Juup Eripiásan ai̱kma

¹ Nui̱ṉkia Juupsha jú̱nis ái̱kmiayi

² “Winia najaimiamur tura wáitiamursha kijin nekapmatai̱ji̱a̱i̱ nekapmamsha

³ nayantsanmaya̱ naikmi kijintri̱ya̱ nuna naṉkaamas kijin áminiaiti. Tuma asamtai wikia wáitnenmai ajakun tu chichaajai.

⁴ Warí Ashí Tujintkiachu Yusa naṉkiri̱ winia aya̱shrui̱ akumturkarai tura tseasri̱ winia iwiaakmarui̱ jeamprutkayi. Túruta Yus sapijian eṉketrua nekaprawai.

⁸ Chaaj, Yusan wi seajna ju̱na umirtuk

⁹ itiurkaṉ wárik mantutawa̱.

¹⁰ Jáaknasha warasan jákaintjiai. Warí wikia Tunaarincha Yusa Chichame̱nka ashí umikiuitjiai.

¹¹ Nu arant katsuntrachmin kakarmachu nekapeajai. Núnisnak iwiaaku pujuta enentáimtsujai.

¹² Warí wisha ¿kaya imianú katsurmakaitiaj aya̱shrusha yaṉkú jírua tímiaṉkait?

¹³ Imiá wíkikia katsuntratniun jeatsjai, yaaksha winia yáintkiatniuka peṉké atsawai.

¹⁴ Ashí Tujintkiachu Yusai̱ya̱ kanakmiataisha wáitiana núnaka ni amikri̱ yáiṉtiniaiti.

¹⁵ Antsu winia yatsur yaiṉkiartatui tímiajna nu, entsa nujaṉkrua ku̱yu̱a núnikiar itiurchat awajtúsar naṉkatuiniawai.

¹⁶ Entsa kusuku michaja̱i̱ pachimnair taawai

¹⁷ túrasha nantu etsankuiṉkia miniar mash ajainiawai tura tsue̱r ajakuiṉkia aya meṉkainiawai.

²¹ Átum wi íismaka núniniaitrume. Ti yajauch wáitsan pujái̱ waitkiarmeka ashamarme.

²⁴ Wats wi yajauch túrutai̱sha tuit, turuttiarum. Warinia awajiruitiaj nu jintintruatarum. Nuiṉkia itiatkaintjiai.

²⁵ Péṉker jintintiámu chichama nuka nekas antú ajataiti tura ¿urukamtai peṉké ántrarmesha tú chichartarum?

²⁶ Péṉker pujuchmin nekapeak enentáimtsuk chicháa nuna chichame̱ṉka nase júana núnisaiti. Nu nékayatrum yajauch chichaawai túrutrume.

²⁷ Auka mitiaik kuitji̱a̱i̱ suruktinkia jearme tura atumí amikrí̱sha anaṉkarum kuítriniawaintrume.

²⁸ Pai, yamaikia péṉker anturtuktarum. Warí, atumín ánaṉkeaknak wáitian títiaj.

²⁹ Yamaikia ántrarum chicharmena nuka itiatkarum antsu nekas tawai turuttiarum.

³⁰ Wi chichakaj nu tunaashit. ¿Wikia yajauchincha péṉkernasha ántakun nékatsjak?