Juup 5 - Yus Papí: Shuarja̱i̱ Yus Yamaram Chicham Najanamu

Eripiás Júupan tuke chichareamu

⁸ Juupa amikri̱ Eripiás tuke chicharuk “Wikia ame wait ajá pujamna ániaknaka Yusan yaintkiai tusan seawaintjiai tura peṉké antra wáitiamurun iisan ujakaintjiai.

⁹ Warí Yuska tí uuntan aentstikia peṉké nekaachminian najanchakait núnisaṉ ashammainniasha nekapmarchamnian túriniaiti.

¹⁰ Núnisaṉ yumi nuṉkasha kampunniunmasha yutuktinian akupeawai.

¹¹ Yusak péejchach ainia nuna uunt awajtsuk núnisaṉ kúntuts pujuiniak útainia nunasha shiir pujustinian suíniatsuk

¹² tura aents netse túruta unuimiátra yajauch túrattsa enentáimtamuncha emestatsuk.

¹³ Ti neka ainia nuna chíkich yajauch túrattsa iwiarturman íksaṉ níniak sumamtikia emestiniaiti.

¹⁷ Yus enentáimtikrattsa wáitkiasmaja̱i̱ jintintiámun nekapmamna nú aentska shiir enentáimias warasti. Ashí Tujintkiachu Yus chichartamna nu nakitraip.

¹⁸ Niṉki aya̱shi̱n emestursha péṉker awajniuiti núnisaṉ aya̱shi̱n tsupirasha tsuáwiti.

²⁷ Iwiaaku pujusan wáinkiaitiaj nuka ju̱i̱ti tura nusha timiá nekasaiti. Anturtukta túram amek nekamata nuka áminiukete” Eripiás tímiayi.