Juup 38 - Yus Papí: Shuarja̱i̱ Yus Yamaram Chicham Najanamu

Yus Júupan chicharma

¹ Uunt Yus Júupan nasenam páchitkia chicharuk

² “¿Yait chichareamun nékachiat paantcha awajea ju̱sha?

³ Yamaikia iwiarnasta túram wi aníajmena nu ái̱rkata.

⁴ Amesha, ¿tui̱ pujumiam Wi nuṉkan najanmiaj nui̱sha? Wats nekas nékakmeka turuttia.

⁵ Wats nékakmeka titiá ¿ya jú̱nisam nekapmaram najanata timia? Núnisaṉ ¿ya nuna nekapmarmia?

^6-7 Nuṉkasha ¿urukunma pataká najanamuit tura tsawa̱a̱munam yaa kantamáiniakui ashí Yusa suntari̱ wararmia nui̱sha ya kayancha apujturmia?

⁸ Kame nayants nuṉkaya̱ jíinmiatai metsarai tusa ¿ya akirkámia?

⁹ Yuraṉmiṉkia nayantsa pushiri̱ najatamjai tura kiritniuṉka penunchin susamjai.

¹⁰ Nayantsancha ju̱i̱ṉᵏ naṉkankata tusan wi tesarámiajai túran epentran iniaisámiajai.

¹¹ Túran chicharkun ‘Ju̱i̱ṉᵏ naṉkantia tura ju̱ya̱ṉka nu arant weep. Ame kakaram tsukatutai̱rmesha ju̱i̱ṉᵏ naṉkankarti’ tímiayi Uunt Yus nayantsan.

¹⁶ Amesha nayantsanam waya̱m init írunna nu ¿íisukaitiam?

¹⁷ Jákatin waiti ana nu amesha iniaktusmakaitiam nuíchuka tsuumai̱ jatai̱ wa̱a̱ wáitiri̱sha ¿wainkiakaitiam?

¹⁸ ¿Amesha núṉkaka timianú waṉkarmaiti tu enentáimsam amesha ashí nékakmeka? turuttia.

¹⁹ ¿Tsáapninian jinti̱sha tura kiritniu pujutái̱ri̱sha tui̱ ainia?

²⁰ ¿Tsáapnisha náṉkatkamuri̱n ejemniakaitiam túram ni je̱e̱ jinti̱sha nekamniakaitiam?

²¹ Tímiania asam nékaitme auka. Warí, tsawantrum tí nukapchakait.

³⁴ ¿Yuraṉkim chicharkum yutukam iniji̱á̱trata timi yútumtikiamniakaitiam?

³⁵ ¿Peemsha yajá wetarum timi akupniukaitiam túram ju̱i̱ pujaji turamniuk ainia?” Yus tímiayi.