Juup 25 - Yus Papí: Shuarja̱i̱ Yus Yamaram Chicham Najanamu

Júupan Pirtat menaintiú ai̱kma

¹ Nuya̱ṉka Suánmaya̱ Pirtat chicharuk

² “Nupetmaktinkia tura tsuumainkia Yusai̱ya̱inti. Niṉkia nayaimpinmasha aṉkant awajsaiti.

³ ¿Suntari̱ncha núkapeash takaka? ¿Yáinin tsáapin awajtsu?

⁴ ¿Itiura aentssha Yus iismasha tunaarinchasha áminiait? ¿Itiura nuwa̱nmaya̱ akiiniasha tunaarincha áminiait?

⁵ Imia kashi nantusha ti tsáapnichuiti yaasha ni íismaka ti péṉkerka áiniatsui.

⁶ Tuma asa aentska nuna iniaṉkas námpicha ániuiti. Túmak aka ániuiti” tímiayi Pirtat.