Juup 23 - Yus Papí: Shuarja̱i̱ Yus Yamaram Chicham Najanamu

¹⁰ Wi wekaamurun Ni nekarta asa nekaprusmataiṉkia kuri unuikma imianú péṉker ajastatjai.

¹¹ Winia nawerka Ni najamkamuri̱n pataasan wekasaitjiai. Ni jinti̱n wekasan nuya̱ṉka kanakchaitjiai.

¹² Ni akupkámu chichame̱ya̱nka peṉké kanakchamjai. Winia yurumkarja̱i̱ naṉkaamas Ni akupkámu chichame̱nka umikmajai.

¹³ Tura túrataj tu enentáimias túrakuisha ¿yaki yapajtiuat?

¹⁴ Ni wakera nuna wiji̱a̱i̱ túrattawai núnisaṉ chíkich túrawartinniasha nuja̱i̱ métek túrawartatui.

¹⁵ Tuma asamtai Ni íimmianumka wikia kura̱a̱jai. Aya enentáimsanak wikia Niinkia ashamajai.

¹⁶ Winia enentái̱run ukurtúrak Yus jata kakarmachu awajtúrsaiti. Tura Ashí Tujintkiachu Yusa nu sapijmiamtikrukuiti.

¹⁷ ¿Urukamtaik ti kiritniunam aya méṉkakachiaj tura kiritcha urukamtai winia yapirnasha nukurtukchia?” tímiayi Juup.