Juup 12 - Yus Papí: Shuarja̱i̱ Yus Yamaram Chicham Najanamu

Juup Supaaran ai̱kma

¹ Tura Juup áimiuk tímiayi,

² “Tura átumka ti nekas áentsuitrume, tuma asamtai nekatai̱sha atumji̱a̱i̱ métek amukatniuiti.

³ Tura wisha átum nékarmena ántsanak nékajai. Wisha atumji̱a̱i̱ íismaka nékachua ániuk enentáimturum, átum nékarmena nuna ya nekaachminiait.

⁴ Wikia tunaan túrichu asamtai yáunchukka Yus wi áujeam anturtiniuyayi. Túmaitiatan yamaikia amikri̱ wishiktai̱ ajasuitjiai.

⁵ Núkap takakna nuka wáitiainian enentáintichu áiniawai. Yajauch enentáimtuiniak awenatniua ánis enentáimtin áiniawai.

⁶ Kásaka ni je̱e̱n núkap takakainia nuja̱i̱ waras pujuiniawai tura Yusan yajauch chicharainia nuka Yus susamua ánis warasar aṉkant pujuiniawai.

¹³ Tura nekatai̱sha, kakarmasha, enentáimtai̱sha jintinkiartutaisha aya Yusai̱ya̱ áiniawai.

¹⁴ Yus emesramuṉ yáakesh iwiarachminiaiti. Tura aentsun eṉkeamtaisha nuna chíkich aṉkant awajsachminiaiti.

¹⁵ Núnisaṉ Ni yumin yútumtikchakuiṉkia kukach ajawai antsu yútumtikiakuiṉkia ama̱a̱rak émeseawai.”