Jrm. 45 - Yus Papí: Shuarja̱i̱ Yus Yamaram Chicham Najanamu

Uunt Yus túrattana nu Paruk ujakma

¹ Juasim, Jusíasa uchirí̱, Jutá nuṉkanam akupin ajasmaka kuatru uwí pujamunam, Paruk, Neríasa uchirí̱n, Yúsnan etserin Jirimías jú̱naka áamtikramiayi.

^2-3 “Maj, Paruka, Uunt Yus Israer shuara Yusri̱ áminkia chichartamuk, ‘Ame chichaakum ju̱sha “urukatjak kúntuts pujakur wáitsatniur jú̱kechuiti tura uu uutu nakitkíjiai. Shiir enentáimtsujai” tame.’

⁴ Uunt Yus jú̱nis tawai títiatme, ‘Wi je̱a̱mma núnaka emeskattajai. Tura araamaj nuna uwetajai. Núnaka ashí nuṉkan tajai.’

⁵ Tura ame páantin ajastin e̱a̱mna nuka iniaisata. Warí wisha ashí iwiaaku ainia nuna mash amuktatjai. Antsu áminkia tuí̱ṉkish pujuttam nui̱ péṉker pujustinian tsaṉkatkattajme. Wi Uunt Yus asan jú̱naka tajai” tímiayi.