Jiin. 28 - Yus Papí: Shuarja̱i̱ Yus Yamaram Chicham NajanamuYúsnan pujurin ainia nu entsatái̱ 1 Uunt Yus Muisaisan chicharuk “Israer shuarnumia̱ ame yátsum Araun, ni uchirí̱ji̱a̱i̱ Natap nuyá̱ Apiú, Iriasár tura Itiamár Winia takartin árat tusam untsukarta. 2 Tura ame yatsumi Arauna pushiri̱ Yusna íktusma atí tusam tí peṉker wincharpátin aparata. 3 Tura winia takartin atí tusan akankattajai. Tuma asamtai Arauna pushiri̱n apararat tusam ashí Wi nekatai̱ susamu ásar ti neka ajasáru ainia nuja̱i̱ chichasarta. 4 Kame pushí najankattarmena nuka ju̱ áiniawai, aya netsepnumaṉ entsatái̱ tura awaṉkém nuyá̱ takamtsuk entsatái̱ kunturtin núnisaṉ peṉké pushí arempramu ántsan etseṉkrutairi̱sha akachumtairi̱ji̱a̱i̱. Yúsnan pujurin árat tusarum Yusna íktusma ásar nú pushí Araunna tura ni uchirí̱niu najatkattarme. 5 Tura ju̱ja̱i̱ najanawartatui. Kuriji̱a̱i̱ tura kiṉkia tarachji̱a̱i̱ yamakáimpramu tarachsha kapantin tarachsha tura ríniuja̱i̱ eteṉkramu ártatui. 6-43 Nuya̱sha Yus Muisaisan Yúsnan pujurin entsatái̱ pushí itiur najankatniuit nuna mash jintintrámiayi. Tura nu arantcha Araun tura ni uchirí̱sha Yúsnan pujurin ajasarat tusar itiur túratniuit nunasha jintintrámiayi. Nuna umiiniak siati tsawant nampermak áestuawar tura chíkich túratin armia nunasha ashí umikiar antsu nui̱ṉkia Yúsnan pujurin ajastin ármiayi. Jú̱ akupkámunka ukunmasha tuke umiktin ármiayi. Jiin. 39:1-7 |
©2009 Avant Ministries in cooperation with Wycliffe Bible Translators, Inc. All rights reserved.
Wycliffe Bible Translators, Inc.