Isk. 48 - Yus Papí: Shuarja̱i̱ Yus Yamaram Chicham Najanamu

Jerusaréṉka wáitiri̱

³⁰ Nu pepru nekapke̱nka jú̱nis ártatui. Arakaani̱ṉkia jimiará mir tusiantu seṉkuintia mitru átatui. Jíintiai̱ri̱sha jú̱nis ártatui.

³¹ Kame nu pepru wáitiri̱ṉkia náartin ásar Israer shuara uuntri̱ naari̱ anaikiamu ártatui. Arakaani̱ yantam menaint wáitiya nuka Ruwin waiti tura chíkichkia Jutá waiti núnisaṉ chikicha Riwí waiti ártatui.

³² Nuyá̱ etsa̱ jintiainmaani̱ yantamsha nekapma íismaka jimiará mir tusiantu seṉkuintia mitru átatui tura menaint wáiti̱ya nuka Jusé waiti tura Piṉjiamín waiti nuyá̱ Tan waiti ártatui.

³³ Tura nuṉkaani̱ yantam nekapmamsha jimiará mir tusiantu seṉkuintia mitru átatui tura menaint wáitiya nusha Semiun waiti tura Isakár waiti nuyá̱ Sapurún waiti ártatui.

³⁴ Nuyá̱ etsa̱ akatainmaani̱ nekapmamsha jimiará mir tusiantu seṉkuintia mitru átatui tura menaint wáitiya nuka Kaat waiti, Aser waiti, Neptarí waiti ártatui.

³⁵ Tura ashí pepru téntakar nekapmarmaka nuiwi mir mitru átatui. Nu tsawanta nuya̱ṉka nu pepru náari̱ṉkia UUNT YUS NUI̱ PUJAWAI tunattawai” timiai Yus.