Isk. 10 - Yus Papí: Shuarja̱i̱ Yus Yamaram Chicham Najanamu

Uunt Yusa winchari̱ Yusa Je̱e̱n ikiukmia

^1-7 Nuya̱ṉka áishmaṉ riniu pushin entsaru nuna chicharuk “Kirupín pujuinia nui̱ ajapén tenté ayantáin ainia nui̱ waya̱ta túram jinia kaí̱ri̱ kapa̱i̱nia nu achikiam péprunam tsatsakta” tímiayi. Tura Yusa Je̱e̱n nuṉkaani̱ matsamárma nui̱ jeamtaisha init tesamunmaṉka yuraṉkim piak amai túrasha Yusa winchari̱ṉkia Yusa Je̱e̱ wáitiri̱n takunmiai. Tura áishmaṉ wayá̱ tenté ayantáin arma nui̱ ayamach wajasmai. Túmamtai kirupín uwejé̱n takuí jinia achik áishmaṉ riniu pushin entsaru nuna susamai. Nuya̱ṉka nuna achik jiinkimiayi.

^8-22 Nuya̱ṉka kirupíncha takuniarmiayi. Núnisaṉ Uunt Yusa winchari̱ wá̱i̱ti̱a̱i̱niam amia nusha jiinkí̱ kirupín pujuarmia nui̱ yakini̱ pujusmiayi. Túrunamtai kirupíncha karu nawe̱ya núnin armia púurtuk takamtsuk nanaakiar nuṉkaya̱ṉka takuniarmiayi. Nuka iwiaaku ainia Israer shuara Yusri̱n nuṉkaani̱ pujuinian Yúsnan etserin Képar entsanam wáinkiarmia nu ármiayi.