Isa. 25 - Yus Papí: Shuarja̱i̱ Yus Yamaram Chicham Najanamu

Yus péṉker yurumkan iwiaramu

⁶ Tura jú̱ nainnium Ashí Akupin Uunt Yusa nu ashí nuṉkanmaya̱ aentsun tí peṉker yurumkan kunturman tura winiu péṉkeri̱ umúu ajamainian iwiarturartatui.

⁷ Kame nu tsawantai̱kia ashí aents enentái̱n nukukma ánis tura ashí uunt nuṉka mátsatkamu ainia nuya̱sha nukumatai̱ji̱a̱i̱ nukukma ánis matsatainian ju̱ nainnium Uunt Yus jurusártatui. 2 Kur. 3:15-16

⁸ Nui̱ṉkia Uunt Yuska chichaku asa jatainkia tuke amuk Uunt Yus ashí aentsun nea̱jkiri̱n u̱ju̱jturartatui. Núnisaṉ ashí nuṉkanam Ní shuari̱ natsanmai̱ ajakármanka asaktúrartatui. Apu. 19:6-9; 21:4

⁹ Nu tsawantinkia chichainiak “Ii Yusri̱ṉkia Uunt Yuska ju̱i̱ti. Ni nákasaruitji tura uwemtikramprartatji. Kame uwemtikrampra asakrin shiir enentáimtusar wararsartai” tiártatui.