YOBA 25 - Jinghpaw Hanson Version Bible

Bildad

¹ Shaloi Shuhi masha Bildad htan nna,

² “daru magam hte hkrithpa shi hta rawng nga ai; matsaw ntsang de shi hparan nga ai.

³ Shi a luksuk ni hpe dang hti lu a ni? Shi a nhtoi gaw, gade a ntsa e nhtoi a ni?

⁴ Dai rai nna shinggyim masha gaw, Karai Wa man e kaning rai dinghpring lu a ta? Numsha hta shangai ai wa gaw, kaning rai san pra lu a ta?

⁵ Yu u, shata pyi htoi nga ai n rai; Shi a man e shagan ni san seng nga ai, n rai.

⁶ Dai hta n-ga, abyet rai nga ai shinggyim masha hte shingtai rai nga ai masha kasha gaw, grau nna n san seng nga a hka!” nga ai.