SHAKAWN KUNGDAWN 120 - Jinghpaw Hanson Version Bible

Lung wa ai shaloi na mahkawn ga.

¹ Ngai ru tsang ai hta e ngai Yehowa hpe shaga nga nna, shi ngai hpe htan ya ni ai.

² Yehowa e, nye a asak hpe, masu ai n-gup hte, Hkalem sha ai shinglet hta na, mawai la ya e.

³ Hkalem sha ai shinglet e, shi nang hpe hpa jaw na a ta? Shi nang hpe hpa naw bai htang na a ta?

⁴ Share wa a dai ai pala hte, Marau hpun na wan n-ga, nang hkrum na rin dai.

⁵ Meshek shara hta e ngai shingbyi nga nna, Kedera sum ni a makau e naw nga nngai majaw, ngai dingnye lu nga nngai.

⁶ Ngwipyaw lam hpe n dawng ai ni hte rau, Nye a myit masin nau nan na hkra wa nga nga sai.

⁷ Ngai ngwi ai lam ra nga nngai rai timung, Ngai ga tsun jang e, shanhte majan baw na maw ma ai.