SHAKAWN KUNGDAWN 100 - Jinghpaw Hanson Version Bible

Shakawn hkungga jaw yang na mahkawn ga langai mi.

¹ Mung shagu Yehowa hpe kabu jahtau nga mu.

² Yehowa hpe kabu gara ai hte daw jau nga mu, Shi a man de mahkawn mangoi let shang mu.

³ Yehowa gaw Karai Kasang rai nga ai, chye mu: Shi anhte hpe hpan da mi ai rai nna, Anhte shi a masha ni rai nga ga ai; Shi a amyu hte shi a udat na sagu hpung, anhte rai nga ga ai.

⁴ Shi a chyinghka de chyeju dum let shang mu, Shi a wang hta e shakawn kungdawn let shang mu; Shi a chyeju dum nna shi a amying nsang hpe sha-a mu.

⁵ Kaning rai nme law, Yehowa gaw mai kaja nga ai; Shi a chyeju htani htana anga nga nna, Shi a sadi sahka prat mi hte prat mi agrin nga ai law.