ROMA 2 - Jinghpaw Hanson Version Bible

Karai Kasang Dinghpring Ai Hku Tara Dara Ai Lam

¹ Dai rai nna, masha kaga hpe jeyang ai wa e, na a mara raw na lam htum mat salit dai; kaning rai nme law, nang hkum jeyang nga nhtawm me dai amu hpe nan galaw ndai majaw, masha kaga hpe jeyang ai shaloi jang, na hkum hpe mahtang nang dawdan kau da wu ai.

² Shing rai galaw ai ni a ntsa e Karai Kasang a tara dara ai lam gaw, tengman ai lam hte maren rai nga ai, anhte chye nga ga ai.

³ Shing rai galaw ai ni hpe jeyang nga nhtawm, tinang nan hkan galaw ai wa e, Karai kasang a tara dara ai hta, lawt lu na re ai, nang nawn da wu ni?

⁴ Karai Kasang a chyeju gaw myit malai lu hkra nang hpe woi awn wa nit dai hpe n chye n dum let, shi a n taw n tsang ai chyeju mung, myit sharang ai hte myit galu kaba ai hpe mung, nang n kaw n law a di da wu ni?

⁵ Gaja wa, na a ja la ai hte malai n lu ai myit majaw, Karai Kasang a pawt bu ngu ai, dingman ai tara dara na dan pru ai nhtoi e hkam na madawng hpe, nang mahkawng da ndai.

⁶ Karai Kasang gaw langai hte langai hpe, tinang a bungli hte maren nhtang jaw na ra ai:

⁷ kaja ai bungli galaw let, shakut sharang nna hpung shingkang ma, arawng sadang ma, n hten n mat ai ma, tam ai ni hpe, htani htana asak jaw na ra ai;

⁸ ndang kalang nga nna tengman ai ga hpe n madat ai wa mi, n ding n man ai madat mara ai ni hpe mahtang, pawt bu nna sindawng katawt ai hte arip na maru ai;

⁹ Yuda masha nan rai timung, Heleni masha rai timung, n hkru n hkra re ai bungli hpe shachyen ai shinggyim masha ni yawng a ntsa e, tsin-yam tsindam hte sharung shayawt ai gaw, rai nga u ga;

¹⁰ bai, Yuda masha hpe nan rai timung, Heleni masha hpe rai timung, kaja ai bungli shachyen ai ni nlang hte hta hpung shingkang, arawng sadang hte ngwipyaw ai gaw, rai nga u ga:

¹¹ kaning rai nme law, Karai Kasang gaw masha a myi man lata nga ai n rai.

¹² Dai jep ai tara hpe garai n chye ai yubak galaw ai ni kadai mung, jep ai tara hta hten bya n hkrum na ma ai n rai; jep ai tara npu e yubak galaw ai ni mahtang gaw, jep ai tara hta tara dara ai hkrum na mara ai:

¹³ dai jep ai tara hpe na yu ai majaw sha Karai Kasang a man e dinghpring lu ai n rai; dai tara hkan galaw ai ni hpe mahtang gaw, dinghpring ai ngu na maru ai.

¹⁴ Kaning rai nme law, jep ai tara hpe n lu ai maigan amyu ni, dai tara a daju hpe chye chyalu hte galaw nga ma ai shaloi e, jep ai tara n lu timung, tinang dai tinang a matu tara tai wa masalu ai:

¹⁵ shanhte a myit nsam dai tara a lam hpe sakse hkam ya nna, shanhte a myit mang ai hku shada da mara shagun ai hte mara raw hkat ma ai majaw, dai jep ai tara a ningli shanhte a kraw lawang hta ka da nga sai hpe, madun dan ma ai:

¹⁶ shing rai, nye a kabu gara shiga hte maren, Karai Kasang gaw Yesu Hkristu a lata hte, masha ni a n dan n leng ai lam hte hpe tara dara na nhtoi hta e rai na ra ai.

Yuda Hte Tara

¹⁷ Nang mahtang Yuda masha mying ai wa rai nga nna, dai jep ai tara hpe machyu nga ai hte, Karai Kasang a marang e gumrawng nga nna,

¹⁸ shi a shawang myit chye ya ai hte, dai tara a sharin achyin lu la ai majaw, lam kaga ga hpe chye ginhka nna,

¹⁹ myi kyaw ai ni a lam woi ai wa, nsin e lup nga ai ni a nhtoi,

²⁰ n gring ai ni a hpareng wa, ma kaji ni a sara ngai rai nga nngai myit la nna, dai jep ai tara hta e chye chyang ai hte tengman ai a kasi lu ai wa nang e,

²¹ masha kaga hpe sharin achyin ai wa mi, nang hkum hpe gaw n sharin achyin nga n ni? lagu lagut n mai, nga nna hkaw tsun nhtawm, nang nan lagu n ni?

²² masha num shaw na n mai, nga da nhtawm, tinang dai num shaw nga n hka? gawngngu sumla hpe matsat ai wa e, nawku htingnu nang hpya la nga n ni?

²³ dai jep ai tara a marang e gumrawng ninglen, tara hpe tawt lai ai hte, nang Karai Kasang hpe jahpoi n ni?

²⁴ Kaning rai nme law, Karai Kasang a amying ningsang gaw, nanhte a majaw maigan amyu ni hta shatan nhkan hkrum nga ai, nga nna laika hta ka da ai hte maren rai nga ai.

²⁵ Dai jep ai tara hpe hkan shatup yang gaw, matu gadoi hkam ai mahtang akyu nga ai; rai timung, tara hpe tawt lai ai wa nang rai nga n yang gaw, na a matu gadoi ai amu gaw, n gadoi ai bai tai nga ai.

²⁶ Matu gadoi n hkam ai wa, jep ai tara a dinghpring ai lam hpe hkan shatup a yang gaw, shi a n gadoi ai hpe gadoi ai zawn nawn ya na wu ai n rai ni?

²⁷ Hkum shan a gadoi n hkam timung, tara hpe hkan galaw ai wa gaw, laika hku hkan nna matu gadoi hkam ninglen, tara hpe tawt lai ai wa nang hpe, tara dara na rin dai.

²⁸ Kaning rai nme law, shinggan maga sha Yuda re ai wa, Yuda masha majing n rai; hkum shan a matu gadoi ai mung gadoi ai majing n rai;

²⁹ kraw kata e Yuda wa rai nga ai mahtang gaw, Yuda masha majing rai nga ai: dai gadoi ai mung, laika hku hte sha n rai, wenyi hta na kraw lawang e byin nga ai rai nna, de a shakawn kungdawn ai gaw shinggyim masha kaw na n rai, Karai Kasang kaw na sha pru nga ai.