1 YAWHAN 5 - Jinghpaw Hanson Version Bible

Karai Kasang A Kasha Hpe Kamsham Ai Lam

¹ Yesu gaw Hkristu nan rai nga ai, nga nna kamsham ai wa kadai rai timung, Karai Kasang kaw na shaprat ai wa tai nga ai rai nna, dai shaprat ai wa hpe tsawra ai wa kadai rai timung, shi kaw na shaprat hkrum ai wa hpe mung tsawra wu ai.

² Karai Kasang hpe tsawra nga ai hte, shi a hkang da ai ga hpe hkan galaw ga yang gaw, Karai Kasang a kashu kasha ni hpe mung anhte tsawra nga ga ai hpe, anhte chye nga ga ai.

³ Kaning rai nme law, Karai Kasang a hkang da ai ga hpe hkan galaw ai lam gaw, shi hpe tsawra ngu ai lam rai nga ai; shi a hkang da ai ga chyawm gaw, yak la nga ai n rai.

⁴ Karai Kasang kaw nna shaprat ai wa kadai rai timung, dai mungkan ga hpe dang kau nu ai: padang lam chyawm gaw, anhte a makam masham rai nga mali ai.

⁵ Yesu gaw Karai Kasang a Kasha rai nga ai, nga nna kamsham ai wa sha n rai yang gaw, mungkan ga hpe dang kau ai wa, kadai rai nga a ta?

⁶ Dai wa gaw hka hte mung, asai hte mung sa du nna, Yesu Hkristu ngu ai nan rai nga ai: hka hta sha n rai, hka hta e rai timung, asai hta e rai timung, shi sa du nga ai.

⁷ Dai Wenyi gaw tengman ai npawt rai nga ai majaw, dai Wenyi nan sakse hkam nga ai.

⁸ Kaning rai nme law, masum hte ngu ai gaw, Wenyi mung, ahka mung, asai mung sakse hkam ya ma ai rai nna, dai masum hte gaw langai sha rai nga ma ai.

⁹ Masha a sakse anhte hkam ga yang gaw, Karai Kasang a sakse dai hta grau nna kaba nga ai: kaning rai nme law, Karai Kasang shi a Kasha hpe sakse hkam ya ai gaw, nga nna Karai Kasang a sakse lam rai nga ai.

¹⁰ Karai Kasang a Kasha hpe kamsham ai wa hta e, ndai sakse ga a rawng nga ai: Karai Kasang hpe n kam n sham ai wa chyawm gaw, shi hpe masu ai wa shadu wu ai; kaning rai nme law, Karai Kasang gaw shi a Kasha a lam sakse hkam ya ai sakse ga hpe, shi n kam wu ai.

¹¹ Dai sakse ga chyawm gaw, Karai Kasang anhte hpe n htum n wai asak jaw mani ai hte, ndai asak mung shi a Kasha hta e rawng nga ai, rai nga ai.

¹² Dai Kasha hpe lu ai wa gaw, asak hpe mung a lu nga ai: Karai Kasang a Kasha hpe n lu ai wa chyawm gaw, dai asak hpe mung n lu wu ai.

Hpungdim

¹³ Karai Kasang a amying nsang hpe kamsham ai ni, nanhte gaw, n htum n wai asak lu la manit dai, nanhte chye lu myit ga, ndai lam hte ngai nanhte hpe ka dat masade ai.

¹⁴ Karai Kasang a myit ai hku hte maren, anhte lama ma hpyi ga yang gaw, shi anhte hpe madat mara na ra ai, nga nna, dai gaw shi a man e anhte a myit sharawng ai lam rai nga ai.

¹⁵ Anhte a hpyi mahpyi hpe shi madat mara nga ai, anhte chye ga yang gaw, shi kaw anhte hpyi nga ai lam hpe anhte lu la gaw ai, anhte chye nga ga ai.

¹⁶ Kahpu kanau langai ngai nsi ging ai yubak galaw nga ai hpe, marai langai ngai mu hkrup a yang gaw, shi akyu hpyi mai ai rai nna, n si ging ai yubak galaw ai ni hta lawm ai rai yang, Karai Kasang gaw dai wa hpe asak jaw na ra ai. Si ging ai yubak mung rai nga ai: de a matu mara hpyi nem na ngai n tsun nngai.

¹⁷ N ding n hpring ai amu nlang hte gaw, yubak rai nga ai: rai timung, n si ging ai yubak mung rai nga ai.

¹⁸ Karai Kasang kaw na shaprat ai wa kadai rai timung, yubak n galaw ga ai, anhte chye ga ai; Karai Kasang kaw na shaprat ai wa gaw, shi hkum hpe hkang lu ai hte, dai n hkru ai wa gaw, shi hpe n kahtep lu ai.

¹⁹ Anhte gaw Karai Kasang kaw na rai nga ga ai, rai nna, mungkan ting gaw dai n hkru ai wa hta e lup mat wa ai hpe, anhte chye nga ga ai.

²⁰ Dai hta kaga, Karai Kasang a Kasha du wa sai rai nna, dai tengman ai wa hpe chye chyang lu na myit, shi anhte hpe jaw da mi ai gaw, anhte chye nga ga ai: dai tengman ai wa hta e, ngu ai, shi a Kasha Yesu Hkristu hta e, anhte anga nga ga ai. Dai wa gaw, tengman ai Karai Kasang hte, n htum n wai asak mung, rai nga ai.

²¹ Ngai shu ngai sha ni e, gawngngu sumla ni hpe koi gam nga mu law.