S. Jud 1 - Testamant Nevez 1897 (Jenkins)

¹ Jud, servicher Jesus‐Christ, ha breur da Jakes, d’ar re a zo galvet, a zo bet santifiet en Doue an Tad, ha diwallet gant Jesus‐Christ.

² Trugarez, ha peoc’h ha karantez ra vezo cresket deoc’h.

³ Breudeur muia‐karet, o veza ma em boa eur c’hoant braz da scriva deoc’h divarben ar zilvidigez a zo commun etrezomp, em euz sonjet e oa red d’in hen ober, evit hoc’h exhorti da gombatti evit ar feiz a zo bet roet eur vech d’ar zent.

⁴ Rag eat ez euz en ho touez hinienou, a bere ar gondaonation a zo scrivet abaoe pell amzer; tud impi, hag a dro gras hon Doue en diroll, hag a nac’h Doue, pehini a zo Mestr souveren, ha n’euz nemerthan, ha Jesus‐Christ hon Aotrou.

⁵ Hogen me a fell d’in digas da sonj deoc’h‐c’houi pere hoc’h euz hen klevet eur vech, penaos an Aotrou o veza saveteed ar bobl euz a zouar an Egypt, a zistrujaz goude‐ze ar re na gredjont ket;

⁶ ha penaos e talc’h ereet gant chadennou eternel e‐kreiz an devalijen, evit beza barnet en devez braz, an elez pere n’ho deuz ket miret ho stad kenta, hag ho deuz dilezet ho demeurans ho‐unan.

⁷ Evel Sodom ha Gomorrh, hag ar c’heariou divar dro, pere a oa en em roet d’ar memeus impurete evelthe, ha da bec’hejou enep an natur, a zervich da exempl, o c’houzanv ar boan euz a eun tan eternel;

⁸ ar re‐ze ive, sebeliet en ho hunvreou, a zeu da zaotri ho c’hig, da zisprijout an otorite ha da wall‐gomz divarben ar c’hargou huel.

⁹ Hogen, Mikeal, an arc’heal, pa zispute gant an diaoul divarben corf Moises, na gredaz ket rei eur setans a valloz; mes lavaret a reaz: Ra zeui an Aotrou da repren ac’hanoud.

¹⁰ Mes ar re‐man a zroug‐prezeg euz a gement na anavezont ket; hag en traou a ouzont dre natur, en em gorrompont evel loened privet a rezon.

¹¹ Malheur dezhe! rag heulliet ho deuz hent Caïn; rag en em roet int d’ar pez hen deuz dallet Balaam, ar garantez direiz euz an arc’hant; hag en em gollet int dre eur revolt henvel ouz hini Core.

¹² Tarchou int en ho prejou a garantez, o vaga ho c’horf hep damanti, pa zeuont da zebri assambles ganeoc’h; ar re‐ze a zo goabrennou hep dour, taolet ha distaolet gant an avel; gwez erruet da fin an diskar‐amzer, difrouez, diou wech maro ha dic’hriziennet;

¹³ ar re‐ze a zo tarzou‐mor spountus, hag a daol an eonen euz ho louzdoni; steredred evit pere an devalijen a zo destinet da virviken.

¹⁴ Divarben ar re‐ze eo hen deuz profetizet Enoch ar seizved den adaleg Adam, en eur lavaret:

¹⁵ Setu, an Aotrou a zo deuet gant he viriadou santel evit ober eur varn a‐enep an holl, hag evit kendrec’hi an holl dud impi, euz an holl oberou a impiete ho deuz great, hag euz an holl draou noazuz ho deuz lavaret ar bec’herien impi a‐enep dezhan.

¹⁶ Tud int ha ne reont nemed murmuri, hag en em glem bepred, pere a gerz hervez ho c’hoantou diroll; ho genou a gomz gant ourgouil, ha dre interest e reont stad euz an dud a galite.

¹⁷ Mes c’houi, breudeur karet meurbed, dalc’hit memor euz ar c’homzou a zo bet lavaret araog gant ebestel hon Aotrou Jesus‐Christ:

¹⁸ pere a lavare deoc’h e vije goaperien en amzer diveza, pere a valeje hervez ho c’hoantou diroll hag impi.

¹⁹ Ar re‐man a zo tud hag en em disparti ho‐unan, tud douget d’ho c’horf, ha n’ema ket ar Spered ganthe.

²⁰ Mes c’houi, breudeur ker, oc’h en em edifia hoc’h‐unan var ho feiz santel meurbed, hag en eur bedi dre ar Spered‐Santel,

²¹ en em dalc’hit e karantez Doue, o c’hortoz trugarez hon Aotrou Jesus‐Christ evit ar vuez eternel.

²² Kemerit truez ouz darn hag a zo en douetans,

²³ sovetait ar re all dre ar spount, o tenna anezhe euz an tan, kaout kas beteg ouz an dillad a zo bet saotret gant ho c’horf.

²⁴ Hogen d’an hini a zo galloudec d’ho tiwall a bep lam, ha d’ ho lakaad dinam ha leun a joa e prezans he c’hloar,

²⁵ da Zoue, hor Zalver, en pehini hep‐ken ema ar furnez, ra vezo ar gloar, an henor, an nerz hag ar galloud, breman ha da virviken! Amen.