Romaned 16 - Testamant Nevez 1897 (Jenkins)

CHABISTR XVI.

¹ Recommandi a ran deoc’h Phœbe, hor c’hoar, ha servicherez euz an Iliz a Genchrea;

² evit ma tigemerot anezhi en Aotrou, evel ma tere ouz ar Zent; ha ma sicourot anezhi en kement tra ma c’halfe kaoud ezom ac’hanoc’h; rag honnes he deuz recevet en he zi meur a hini, hag ac’hanoun‐me dreist holl.

³ Saludit Priscilla hag Akilas, va c’hen‐labourerien en Jesus‐Christ,

⁴ pere ho deuz exposet ho buez evit va hinime; ha n’e ket me hep‐ken a deu d’ho zrugarekaad, mes ive holl Ilizou ar Jentiled.

⁵ Saludit ive an Iliz a zo en ho zi. Saludit Epaïnetus, va muia‐karet, ar c’henta a zo bet en eni gonvertisset d’ar C’hrist en Akaia.

⁶ Saludit Mari, pehini he deuz kemeret kalz a boan evidomp.

⁷ Saludit Andronicus ha Junia, va c’herent, ha va c’hompagnunez er prizon. Braz int e‐touez an ebestel, hag ouz‐pen, credet ho deuz er C’hrist araog d’in.

⁸ Saludit Amplias, va muia‐karet en Aotrou.

⁹ Saludit Urbanus, compagnon euz hon labouriou er C’hrist; ha Stachys, va muia‐karet.

¹⁰ Saludit Appelles, pehini a zo bet amprouvet er Christ. Saludit ar re euz a di Aristobolus.

¹¹ Saludit Herodion, a zo euz va c’herent. Saludit ar re euz a di Narcissus, pere a zo en Aotrou.

¹² Saludit Tryphina ha Tryphosa, pere ho deuz labouret evit an Aotrou. Saludit Persid, ar muia‐karet, pehini he deuz labouret kalz evit an Aotrou.

¹³ Saludit Rufus, choazet gant an Aotrou, hag he vam, pehini a zo ive mam d’in‐me.

¹⁴ Saludit Asyncritus, Phlegon, Hermas, Patrobas, Hermes, hag ar breudeur pere a zo ganthe.

¹⁵ Saludit Philologus ha Julia, Nerea hag he c’hoar, hag Olympia, hag an holl Zent a zo ganthe.

¹⁶ En em zaludit an eil egile gant eur pok santel. Ilizou ar C’hrist a zalud ac’hanoc’h.

¹⁷ Koulskoude, ho pedan, breudeur, da ziwall ouz ar re a laka da zevel divisionou ha scandal a‐enep an doctrin hoc’h euz desket, ha da bellaad diouthe.

¹⁸ Rag ar seurt tud‐se na zervichont ket hon Aotrou Jesus‐Christ, mes ho c’hov ho‐unan; ha gant komzou kaer ha meulodiou, e tromplout calonou an dud divalis.

¹⁹ Rag anavezet eo gant an holl ez oc’h sentus meurbed; en em rejouissa a ran eta abalamour deoc’h, ha deziroud a ran e vec’h fur e‐kenver ar mad ha pur e‐kenver an drouk.

²⁰ Hep dale an Aotrou a beoc’h a vrevo Satan dindan ho treid. Gras hon Aotrou Jesus‐Christ ra vezo ganeoc’h! Amen.

²¹ Timoteus, va c’hen‐labourer, ha Lucius, ha Jason, ha Sosipater, va c’herent, a zalud ac’hanoc’h.

²² Me, Tertius, pehini em euz scrivet al lezer‐man, a zalud ac’hanoc’h.

²³ Gaius, an hini am receo, hag a receo an Iliz holl en he di, a zalud ac’hanoc’h. Erastus, tenzorier kear, ha Kuartus, hor breur, a zalud ac’hanoc’h.

²⁴ Gras hon Aotrou Jesus‐Christ ra vezo ganeoc’h holl! Amen.

²⁵ D’an hini hen deuz ar galloud d’ho krenvaad hervez va Aviel, hag ar pez a zo bet prezeget gant Jesus‐Christ, hervez revelation ar myster, dalc’het kuzet e‐pad meur a gant vloaz,

²⁶ mes a zo breman diskuzet dre Scrituriou ar brofeted, hervez gourc’hemen an Doue eternel, ha discleriet d’an holl Jentiled, evit ma sentint ouz ar feiz;

²⁷ da Zoue, pehini hep‐ken a zo fur, ra vezo rentet, dre Jesus Christ, ar gloar e peb amzer! Amen.