Sant Lucas 22 - Testamant Nevez 1897 (Jenkins)

CHABISTR XXII.

¹ Tostaad a rea gouel ar bara heb goell hanvet ar Pask.

² Ha prinsed ar veleien hag ar Scribed a glaske an tu da lakaad Jesus d’ar maro; rag aoun ho doa rag ar bobl.

³ Hogen an Diaoul a antreaz en calon Judas, les‐hanvet Iscariot, pehini a oa unan euz an daouzec.

⁴ Mond a reaz eta hag e komzaz gant prinsed ar veleien ha gant chefou ar re a ziwalle an templ, var an doare d’hen livra dezhe.

⁵ Ar re‐man ho doe joa ouz kement‐se, hag ec’h accordjont rei arc’hant dezhan.

⁶ Ha Judas a roaz he c’her. Hag e klaske eun occasion vad d’hen livra dezhe heb trouz.

⁷ Koulskoude devez ar bara heb goell a erruaz en pehini e oa red laza an oan Pask.

⁸ Ha Jesus a gassaz Per ha Ian, en eur lavaret dezhe: It da brepari ar Pask evit m’hen debrimp.

⁹ Int a lavaraz dezhan: En pe leac’h e fell d’id e preparfemp anezhan?

¹⁰ Hag e lavaraz dezhe: Pa antreot en kear, en em gavo ganeoc’h eun den o tougen eur podad dour; it var he lerc’h en ti ma c’hantreo;

¹¹ ha livirit da berc’hen an ti: Ar mestr a lavar d’id: Pe leac’h ema ar zal en pehini e tebrin ar Pask gant va diskibien?

¹² Hag hen a ziskouezo deoc’h eur zal vraz d’an neac’h, meublet mad; preparit eno ar Pask.

¹³ Ar re‐man eta, o veza eat kuit, a gavaz pep‐tra evel m’hen doa lavaret dezhe, hag e preparjont ar Pask.

¹⁴ Ha pa oe deuet an heur, hen en em lekeaz ouz taol, hag an daouzec abostol ganthan.

¹⁵ Hag e lavaraz dezhe: Eur c’hoant vraz em boa da zibri ar Pask‐man ganeoc’h araog souffr.

¹⁶ Rag me a lavar deoc’h n’hen debrin mui, ken a vezo accomplisset en rouantelez Doue.

¹⁷ Hag o veza kemeret ar c’halir ha rentet grasou, e lavaraz: Kemerit anezhan, hag hen distribuit etrezoc’h.

¹⁸ Rag me a lavar deoc’h, ne evin mui euz a frouez ar winien, ken a vezo deuet rouantelez Doue.

¹⁹ Neuze e kemeraz bara, hag o veza rentet grasou, hen toraz hag hen roaz dezhe, en eur lavaret: He‐man eo va c’horf, pehini a zo roet evidoc’h; grit kement‐man en memor ac’hanoun.

²⁰ Er memeus doare, goude beza koaniet, e roaz dezhe ar c’halir, en eur lavaret: Ar c’halir‐man eo an allians nevez em goad, pehini a zo skuliet evidoc’h.

²¹ Hogen, setu, dorn an hini a drahis ac’hanoun a zo ouz an daolman ganen.

²² Evit ar pez a zell Mab an den, mond a ra kuit, hervez ar pez a zo bet merket; mes malheur d’an den‐ze gant pehini eo trahisset.

²³ Hag e commansjont da c’houlen an eil digant egile pehini anezhe a dlie ober an dra‐ze?

²⁴ Sevel a reaz ive eun disput etrezhe da c’houzout pehini anezhe a vije kemeret evit ar brassa.

²⁵ Mes Jesus a lavaraz dezhe: Rouane an nationou a zo mistri varnezhe, hag ar re a exers otorite varnezhe a zo galvet mad‐oberourien.

²⁶ Mes c’houi, na rit ket evel‐se; ha ra vezo ar brassa en ho touez evel an distera; hag an hini a c’houarn evel an hini a zo o servicha.

²⁷ Rag pehini eo ar brassa, pe an hini a zo ouz taol, pe an hini a zo o servicha? ha n’eo ket an hini a zo ouz taol eo? ha koulskoude me a zo en ho touez, evel an hini a zo o servicha.

²⁸ Hogen, evidoc’hc’houi, oc’h euz kendalc’het ganen em zentationou;

²⁹ ha me a ro deoc’h ar rouantelez, evel ma’z eo bet roet d’in gant va Zad;

³⁰ evit ma hellot debri hag eva ouz va zaol em rouantelez, ha beza azezet var droniou, o varna an daouzec tribu a Israel.

³¹ An Aotrou a lavaraz c’hoas: Simon, Simon, setu ma hen deuz goulennet Satan tremen ac’hanoc’h dre eur c’hroe evel gwiniz.

³² Mes me em euz pedet evidoud, evit na deuio ket da feiz da zemplaad. Te eta pa vezi convertisset, krenva da vreudeur.

³³ Ha Per a lavaraz dezhan: Aotrou, me a zo prest da vond ganez, ha d’ar prizon ha d’ar maro.

³⁴ Mes Jesus a lavaraz dezhan: Me hen lavar d’id, Per, araog ma cano ar c’hilloc hirio, e pezo nac’het teir gwech ec’h anavezez ac’hanoun.

³⁵ Neuze e lavaraz dezhe: Pa gassiz ac’hanoc’h hep na ialc’h, na bissac’h, na boutou, daoust hag eun dra‐benag a zo bet manket deoc’h? N’euz bet manket netra, eme‐z’he.

³⁶ Mes breman, eme‐z’han, an hini hen deuz eur ialc’h, ra gemero anezhi; hag ive an hini hen deuz eur sac’h; an hini n’hen deuz kleze e‐bed, ra verzo he vantel da brena unan.

³⁷ Rag hen lavaret a ran deoc’h, red eo d’ar gomz‐man a zo bet scrivet beza accomplisset enoun: Lakeat eo bet e renk an torfetourien. Ha kement a zo bet scrivet divar va fen a zo prest da c’hoarvezout.

³⁸ Hag e lever‐jont: Aotrou, setu aman daou gleze. Hag hen a lavaraz dezhe: Awalc’h eo kement‐se.

³⁹ Neuze Jesus, o veza eat er meaz, a ieaz hervez he gustum var ar Menez Olived; hag he ziskibien a ieaz var he lerc’h.

⁴⁰ Ha pa oe erruet eno, e lavaraz dezhe: Pedit gant aoun na gwezfec’h en tentation.

⁴¹ Neuze e pellaaz diouthe var hed eun taol mean; hag o veza eat var he zaoulin, e pede, en eur lavaret:

⁴² Va zad, pella ar c’halir‐ze diouzin, mar plij ganez! koulskoude, ra vezo great n’e ket va bolontezme mes da hini.

⁴³ Hag eun eal euz an env en em ziskouezaz dezhan evit he grenvaad.

⁴⁴ Hag o veza en agoni, e pede c’hoas krenvoc’h; hag e teuaz varnezhan eur c’houezen henvel ouz beradennou goad hag a zivere var an douar.

⁴⁵ Hag o veza savet euz he beden, e teuaz etrezeg he ziskibien, hag ho c’havaz kousket gant an dristidigez, hag e lavaraz dezhe:

⁴⁶ Perag e kouskit‐hu? Savit ha pedit, gant aoun da gweza, pa zeui an dentation.

⁴⁷ Pa oe c’hoas o komz, setu ma c’herruaz eur vanden, hag an hini a oa hanvet Judas, unan euz an daouzec, a ger‐ze araog dezhe; hag e tostaaz etrezeg Jesus evit pokat dezhan.

⁴⁸ Mes Jesus a lavaraz dezhan: Judas, gant eur pok eta e trahissez Mab an den?

⁴⁹ Hag ar re a oa var‐dro Jesus, o velet ar pez a iea da c’hoarvezoud, a lavaraz dezhan: Aotrou, ha skei a raimp‐ni gant ar c’hleze?

⁵⁰ Hag unan anezhe a skoaz mevel ar beleg‐braz, hag a droc’haz dezhan he skouarn deo.

⁵¹ Mes Jesus, o komz, a lavaraz: Paouezit. Hag o veza touchet ouz skouarn ar mevel, e pareaz anezhan.

⁵² Neuze Jesus a lavaraz da brinsed ar veleien, da gabitaned an templ, ha d’ar re Ancien a oa deuet da gemer anezhan: C’houi a zo deuet gant klezeier ha gant bizier, evel var lerc’h eun torfetour.

⁵³ Bemdez e oann en templ assambles ganeoc’h, ha n’hoc’h euz ket lekeet ho taouarn varnoun. Mes breman ema hoc’h heur ha galloud an devalijen.

⁵⁴ Neuze e crogjont enhan, hag hen kasjont ganthe, hag e rejont dezhan mond en ti ar beleg braz. Ha Per a heullie a‐ziabell.

⁵⁵ Ha pa ho doe great tan en kreiz ar porz, ha pa oent azezet assambles, Per a azezaz en ho zouez.

⁵⁶ Hag eur plac’h ouz he velet azezet e‐tal an tan, hag o sellet piz outhan, a lavaraz: He‐man a oa ive gant an den‐ze.

⁵⁷ Mes Per a nac’haz Jesus, en eur lavaret: Maouez, n’hen anavezan ket.

⁵⁸ Hag eur pennadic goude, eun all, o velet anezhan, a lavaraz: Te a zo ive deuz an dud‐se. Mes Per a lavaraz: O va den, n’ed oun ket.

⁵⁹ Var‐dro eun heur goude, unan all a zeuaz hag a lavaraz: Sur awalc’h, hennes a oa ive ganthan; rag Galilead eo ive.

⁶⁰ Ha Per a lavaraz: O va den, na ouzon ket petra a leverez. Ha rag‐tal, pa oa c’hoas o komz, ar c’hilloc a ganaz.

⁶¹ An Aotrou, o veza distroet, a reaz eur zell ouz Per; ha Per a deuaz da zonj dezhan euz a gomz an Aotrou, ha penaos hen doa lavaret dezhan: Abarz ma hen devezo kanet ar c’hilloc, e pezo nac’het ac’hanoun teir gwech.

⁶² Ha Per, o veza eat er meaz, a welaz c’houero.

⁶³ Hogen, an dud a oa crog en Jesus, a rea goab anezhan, hag a skoe ganthan;

⁶⁴ hag o veza he c’holoet gant eur voal, e skoent var he vizach, hag e lavarent dezhan: Difin piou hen deuz da skoet?

⁶⁵ Ha kalz a draou all a lavarent a‐enep dezhan, oc’h insulti anezhan.

⁶⁶ Ha kerkent ha ma oa deuet an deiz, conseil ar re Ancien euz ar bobl, prinsed ar veleien hag ar Scribed en em assamblaz, hag a lakaz digas Jesus en ho lez‐varn; hag e lever‐jont dezhan:

⁶⁷ Mar d’oud ar C’hrist, lavar deomp. Hag hen a respontaz dezhe: Mar hen lavaran deoc’h n’her c’hredfot ket;

⁶⁸ ha ma c’hinterrojan ac’hanoc’h, na respontot ket d’in, ha na laoskot ket ac’hanoun da vond kuit.

⁶⁹ Divar‐vreman Mab an den a vezo azezet en tu‐deo da c’halloud Doue.

⁷⁰ Hag e lever‐jont holl: Neuze eta ez oud Mab Doue? Hag hen a respontaz dezhe: Hoc’h‐unan hen lavarit; bez’ ez oun.

⁷¹ Neuze e lever‐jont: Da betra hon euzni c’hoas ezom a desteni, pa’z eo gwir hon euz her c’hlevet hon‐unan deuz he c’henou?