Hebreed 6 - Testamant Nevez 1897 (Jenkins)

CHABISTR VI.

¹ Rag‐se, o lezel ar principou kenta euz a zoctrin ar C’hrist, baleomp var‐zu ar berfection, hep diazeza a‐nevez ar fondamant euz ar gonversion euz an œuvrou maro, hag euz ar feiz e‐kenver Doue,

² euz a zoctrin ar badizianchou, euz a astennedigez an daouarn, euz a resurrection ar re varo,

³ hag euz ar varn eternel, ha kement‐se a raimp, mar permet Doue.

⁴ Rag impossubl eo d’ar re a zo bet eur vech sclerijennet, hag ho deuz tanveet an donezon celestiel, hag a zo bet lakeat da gaoud lod er Spered‐Santel,

⁵ hag ho deuz tanveet ar gomz vad a Zoue, hag ar puissansou euz an amzer da zond, ha pere a zo deuet da gweza,

⁶ impossubl eo ho renevezi c’hoas evit ma teuint da gaoud keuz, pa’z eo gwir e crucifiont Mab Doue evithe ho‐unan, ouz hen exposi d’an dismegans.

⁷ Rag an douar, leuniet gant ar glao o kweza alies varnezhan, hag a brodu yeot mad d’ar re a labour anezhan, a receo bennoz digant Doue.

⁸ Mes an hini a brodu spern hag askol, a zo reprouvet ha tost da veza milliget; destinet eo da veza devet.

⁹ Koulskoude, e c’hortozomp euz ho perz, breudeur muiakaret, traou gwelloc’h, hag a gas var‐zu ar zilvidigez, petra‐benag ma komzomp evel‐se.

¹⁰ Rag Doue n’ eo ket injust, evit ankounac’haad ho labour, hag an œuvr a garantez hoc’h euz diskouezet evit he hano, pa hoc’h euz sicouret ha pa zicourit ar Zent.

¹¹ Hogen, desiroud a reomp ma teuio pep hini ac’hanoc’h da ziskouez ar memeus aked evit conservi, beteg ar fin, an assurans parfet euz an esperans;

¹² evit na deuot ket da veza diegus, mes ma teuot da imita ar re pere dre ar feiz hag ar batianted a zo heritourien euz ar promessaou.

¹³ Rag, pa reaz Doue ar bromessa da Abraham, o veza na helle ket touat dre eun all brassoc’h, e touaz dreizhan he‐unan, en eur lavaret:

¹⁴ E gwirionez, me a gargo ac’hanoud a venediction, hag a gresko meurbed da lignez.

¹⁵ Hag evel‐se, o veza gortozet gant patianted, Abraham a recevaz ar bromessa.

¹⁶ Hogen, an dud a dou dre an hini a zo brassoc’h egethe, hag ho le, evit assuri eun dra, a laka fin d’ho froces;

¹⁷ evel‐se, Doue, dre ma felle dezhan diskouez c’hoas gwelloc’h da heritourien ar bromessa pegen ferm e oa he volontez, a brometaz dre eul le;

¹⁸ evit m’hor bezo, dre an daou dra‐ze ha ne chenchont ket, en pere eo impossubl e vije deuet Doue da fazia, m’hor bezo eur gonsolation ferm, ni pere a glask ar peoc’h er bossession ferm euz an esperans a zo lakeat

¹⁹ dirazomp, an esperans‐se a zalc’homp evel heor an ene, eun heor sur ha stard, ha pehini a ia adreuz ar voal,

²⁰ e pe leac’h eo antreet Jesus evidomp, evel o tigeri an hent deomp, o veza bet great Beleg‐braz da viken, hervez urz Melkizedec.