Hebreed 13 - Testamant Nevez 1897 (Jenkins)

CHABISTR XIII.

¹ Ra bado ar garantez etre ar breudeur.

² Na ankounac’hait ket rei digemer mad d’an dud a‐ziaveaz; rag dre eno hinienou ho deuz digemeret elez, heb hen gouzout.

³ Dalc’hit sonj euz ar brizonerien, evel pa vec’h er chadennou assambles ganthe; hag euz ar re a zo gwall‐dretet, evel pa vijec’h c’houi hoc’hunan en ho c’horfou.

⁴ Ra vezo ar briedelez henoret gant an holl, hag ar gwele disouillet; rag Doue a varno an dud libertin hag an avoultrerien.

⁵ Ra vezo ho puez dinam a avaristed; bezit contant gant ar pez hoc’h euz; rag Doue he‐unan hen deuz lavaret: Na zilezin ket ac’hanoud, ha ne abandonin ket ac’hanoud.

⁶ En hevelep doare ma c’hellomp lavaret gant assurans: An Aotrou a zo va zicour, ha n’em bezo ket a aoun; petra a hell an den ober d’in‐me?

⁷ Ho pezit sonj euz ho renerien, pere ho deuz prezeget deoc’h ger Doue, hag en eur gonsideri ar fin euz ho buez, heullit ho feiz.

⁸ Jesus‐Christ a zo ar memeus hini, deac’h hag hirio, ha da viken.

⁹ N’en em lezit ket da veza troet ha distroet gant pep seurt doctrin estranjour; rag mad eo e vez ar galon krenveet dre ar c’hras ha nann dre c’hourc’hemenou divarben ar boued da zibri, gourc’hemenou ha n’ho deuz great vad e‐bed d’ar re ho deuz heulliet anezhe.

¹⁰ Ni hon euz eun aoter euz a behini ar re a zervich en tabernacl n’ho deuz ket ar galloud da zibri.

¹¹ Corfou an anevaled euz a bere ar goad a vez kasset d’al leac’h santel gant ar beleg‐braz, evit ar pec’hed, a vez devet er meaz euz a leur‐gear.

¹² Dre‐ze Jesus ive, evit santifia ar bobl dre he oad he‐unan, hen deuz souffret en diaveaz a gear.

¹³ Deomp eta er meaz euz a leur‐gear, evit mond d’he gaoud, o tougen he zismegans.

¹⁴ Rag n’hon euz kear peurbadus e‐bed var an douarman, mes klask a reomp an hini da zond.

¹⁵ Offromp eta heb ehan da Zoue, dre Jesus, eur sacrifis a veuleudi, da lavaret eo, ar frouez euz muzellou hag a anzav he hano.

¹⁶ Ha na ankounac’hait ket ober vad ha rei euz ho tanvez; rag ar seurt sacrifisou‐ze a blij da Zoue.

¹⁷ Sentit ouz ho renerien ha plegit dezhe, rag ar re‐ze a ziwall hoc’h eneou, evel tud hag a dle renta count anezhe, evit ma c’hellint hen ober gant joa ha n’e ket en eur huanadi; rag an dra‐ze a vezfe domajus evidoc’h.

¹⁸ Pedit evidomp, rag ni a gred penaos hon euz eur goustians vad, o teziroud en em gundui ervad en pep tra.

¹⁹ Hag hoc’h exhorti a ran d’hen ober gant sul‐vui a nerz, evit ma vezin rentet deoc’h kentoc’h a ze.

²⁰ Hogen, ra zeuio Doue ar peoc’h, pehini hen deuz digasset adare euz a‐douez ar re varo hon Aotrou Jesus, ar Pastor Souveren euz an denved, dre ar goad euz eun allians eternel,

²¹ da renta ac’hanoc’h parfet en peb œuvr vad, ma reot he volontez, oc’h ober he‐unan enoc’h ar pez a zo agreabl dirazhan, dre Jesus‐Christ, da behini ar gloar da viken! Amen.

²² Me ho ped, breudeur, da zupporti ar gomz‐man a exhortation; rag en ber gomzou em euz scrivet deoc’h.

²³ Gouzoud a rit penaos hor breur Timoteus a zo bet lakeat en liberte; mar teu hep‐dale, e velin ac’hanoc’h assambles ganthan.

²⁴ Saludit hoc’h holl renerien, hag an holl Zent. Ar re euz an Itali a zalud ac’hanoc’h.

²⁵ Ra vezo ar c’hras ganeoc’h holl! Amen.