Filipiz 4 - Testamant Nevez 1897 (Jenkins)

CHABISTR IV.

¹ Dre‐ze, va breudeur ker ha deziret meurbed, va joa ha va c’hurunen, choumit stard evel‐se en Aotrou, va breudeur muia‐karet.

² Me a bed Evodias, hag a bed Sintyke, da gaoud ar memeus santimant en Aotrou.

³ Pedi a ran ac’hanoud‐te ive, va c’hen‐labourer gwirion, da zicour ar gragez‐ze; labouret ho deuz assambles ganen evit an Aviel, koulz ha Clement hag ar re all euz va c’hen‐labourerien, a bere an hanoiou a zo el levr a vuez.

⁴ En em rejouissit bepred en Aotrou; hen lavaret a ran c’hoas: En em rejouissit.

⁵ Ra vezo anavezet ho tousder gantan holl dud. An Aotrou a zo tost.

⁶ Na vezit sourciet gant netra, mes, en peb occasion, lakit ho koulennou dirag Doue, dre bedennou ha supplicationou gant actionou a c’hras, hag ar peoc’h a Zoue,

⁷ pehini a dremen peb ententamant, a ziwallo ho calonou hag ho sonjezonou en Jesus‐Christ.

⁸ A‐hend‐all, breudeur, ravezo occupet ho sperejou gant kement a zo gwir, kement a zo honest, kement a zo just, kement a zo pur, kement a zo dign a garantez, kement a zo a vrud vad, hag a zo enhan eur vertuz‐benag, hag a zo dign a veuleudi; ra vezo occupet ho sperejou gant an holl draou‐ze.

⁹ Ho desket hoc’h euz ive, ho recevet hag ho c’hlevet ganen‐me, hag ho gwelet hoc’h euz enoun‐me. Grit an traou‐ze, ha Doue ar peoc’h a vezo ganeoc’h.

¹⁰ Hogen, braz eo bet va joa en Aotrou, o veza m’hoc’h euz lakeat da renevezi ho karantez evidoun; evit gwir e sonjec’h enoun, mes an occasion a vanke deoc’h.

¹¹ Na lavaran ket kement‐se abalamour d’am dienez; rag desket em euz beza contant euz ar stad en pehini en em gavan.

¹² Gouzoud a ran beza en eur stad izel, gouzoud a ran ive beza en abondans; en holl ha dre holl em euz desket beza rassaziet ha kaoud naoun; beza en abondans, ha beza en dienez.

¹³ Gallout a ran pep tra dre ar C’hrist, pehini a ro nerz d’in.

¹⁴ Koulskoude mad hoc’h euz great kemer lod ganen em affliction.

¹⁵ Gouzout mad a rit ive, Philippied, penaos goude ma oat commanset da brezey an Aviel, pa c’hiz kuit euz a Vacedonia, Iliz e‐bed n’he doa roet d’in, ha na receviz netra, nemed digant hoc’h hini;

¹⁶ hamemeus, pa oann en Thessalonika, hoc’h euz digasset d’in eur vech, ha zo‐ken diou vech, peadra evit va ezomou.

¹⁷ N’e ket ma klaskfen presanchou, mes klask a ran lakaad da greski ar frouez a dleit da gaoud euz a gement‐se.

¹⁸ Hogen, recevet em euz pep tra, hag emoun en abondans; karget oun bet a vadou, o receo digant Epaphroditus ar pez hoc’h euz digasset d’in, evel eur baum a c’houez‐vad, eur sacrifis digemeret gant Doue, hag agreabl dezhan.

¹⁹ Ha va Doue a bourveo ive d’hoc’h holl ezomou, hervez he binvidigezou, gant gloar, en Jesus‐Christ.

²⁰ Hogen, da Zoue, hon Tad, ra vezo ar gloar euz an eil kanvet d’egile! Amen.

²¹ Saludit an holl Zent en Jesus‐Christ; ar breudeur a zo ganen a salud ac’hanoc’h.

²² An holl Zent a zalud ac’hanoc’h, ha dreist‐holl ar re a zo euz a diegez Cezar.

²³ Ra vezo gras hon Aotrou Jesus‐Christ ganeoc’h holl! Amen.