Efeziz 5 - Testamant Nevez 1897 (Jenkins)

CHABISTR V.

¹ Klaskit eta beza henvel ouz Doue, evel bugale muia‐karet;

² ha baleit er garantez, evel ar C’hrist, pehini hen deuz karet ac’hanomp, hag a zo bet en em offret he‐unan da Zoue evidomp en offrans hag en sacrifis a c’houez‐vad.

³ Diwallit na vezo zo‐ken hanvet en ho touez, nag al lubricite, na louzdoni all e‐bed, nag an avaristed ken‐neubeud, evel ma’z eo deread da zent;

⁴ na komz udur e‐bed, na komz foll, na farcerez, pere a zo traou ha na gonvenont ket; mes ra vezo klevet kentoc’h actionou a c’hras.

⁵ Rag anaoud a rit an dra‐man, penaos den lubric e‐bed, na den impur, na den avaricius, hag a zo ive eun idolatr, n’hen deuz lod en heritach euz a rouantelez ar C’hrist ha Doue.

⁶ Diwallit ne deufe den d’ho trompla gant komzou goullo; rag abalamour d’an traou‐ze eo e teu coler Doue var ar vugale dizent.

⁷ N’ho pezit eta lod e‐bed ganthe.

⁸ Rag gwech‐all e oac’h tevalijen, mes breman ez oc’h sclerijen en Aotrou; baleit evel bugale ar sclerijen;

⁹ rag frouez ar Spered a zo en pep seurt madelez, er justis hag er wirionez.

¹⁰ Klaskit anaoud ar pez a zo agreabl da Zoue.

¹¹ Ha n’ho pezet lod e‐bed en œuvrou difrouez an devalijen, mes kentoc’h condaonit anezhe.

¹² Rag mezus eo memeus lavaret an traou a ra an dud‐se en kuz.

¹³ Mes kement tra a zo condaonet a zo diskouezet gant ar sclerijen; rag kement tra a ziskouezer a zeu da veza sclerijen.

¹⁴ Abalamour da ze ez eo bet lavaret: Dihun, te pehini a gousk, ha sav a‐douez ar re varo, hag ar C’hrist a sclerijenno ac’hanoud.

¹⁵ Lakit eta evez, ha baleit eün, n’e ket evel tud foll, mes evel tud fur;

¹⁶ prenit an amzer; rag deveziou fall a ra.

¹⁷ Rag‐se na vezit ket diboell, mes comprenit pehini eo bolontez an Aotrou.

¹⁸ Diwallit d’en em vezvi gant gwin, pehini a zoug d’an diroll; mes bezit leun euz ar Spered;

¹⁹ komzit etrezoc’h assambles dre salmou, hymnou ha canticou spirituel, en eur gana hag en eur salmi en ho calon d’an Aotrou;

²⁰ rentit grasou bepred evit pep tra da Zoue an Tad, en hano hon Aotrou Jesus‐Christ.

²¹ Plegit an eil d’egile en doujans Doue.

²² Gragez, plegit d’ho priejou, evel d’an Aotrou,

²³ rag an ozac’h eo pen ar vreg, evel ma’z eo ar C’hrist ive ar pen euz an Iliz, pehini eo he gorf, euz a behini ez eo ar Zalver.

²⁴ Hogen, evel ma’z eo an Iliz sentus ouz ar C’hrist, ra vezo ive ar gragez sentus euz ho friejou en pep tra.

²⁵ Goazed, karit ho kragez, evel ma hen deuz ar C’hrist ive karet an Iliz, hag ez eo en em roet he‐unan evithi;

²⁶ evit he zantifia, o veza purifiet anezhi gant ar vadiziant a zour, dre he c’her;

²⁷ evit lakaad anezhi da zond dirazhan eun Iliz leun a c’hloar, hep tarch e‐bed, na roufen, na netra euz ar seurtse, mes eun Iliz santel ha divlam.

²⁸ Evel‐se eo e tle ar goazed karet ho gragez evel ho c’horfou ho‐unan. An hini a gar he vreg, en em gar he‐unan.

²⁹ Rag den n’hen deuz biskoas kemeret kaz ouz he gorf he‐unan, mes hen maga, hag hen antreteni a ra, evel ma her gra an Aotrou e‐kenver an Iliz;

³⁰ rag ni a zo an izili euz he gorf, o veza euz he gig, hag euz he eskern.

³¹ Abalamour da ze an den a guitai he dad hag he vam, hag en em unano gant he vreg; hag ho daou ne vezint nemed eur c’hig hep‐ken.

³² Ar myster‐ze a zo braz; divarben an Iliz hag ar C’hrist eo e komzan.

³³ Rag‐se, ra zeui pep hini ac’hanoc’h da garet he vreg evel‐d’han he‐unan, hag ar vreg da respeti he goaz.