3 Yann 1 - Testamant Nevez 1897 (Jenkins)

¹ An Ancien, da Gaïus, ar muia‐karet, pehini a garan er wirionez.

² Va mignon, ar pez a c’houlennan eo gwelet pep tra o vond mad ganez, ha ma kendalc’hi en iec’hed, evel ma ema ive iac’h da ene.

³ Rag kalz a joa em euz bet pa eo deuet ar breudeur, hag ho deuz roet testeni euz da fidelite, hag euz an doare ma kerzez er wirionez.

⁴ N’em euz ket brassoc’h joa eged klevet e kerz va bugale er wirionez.

⁵ Va mignon, ober a rez gant fidelite kement a rez evit ar breudeur hag evit an estranjourien;

⁶ ha roet ho deuz testeni euz da garantez dirag an Iliz. Ober a ri mad o pourvei d’ho beach en eun doare dign a Zoue.

⁷ Rag abalamour d’he hano int eat en hent, hep kemeret netra digant ar Jentiled.

⁸ Rag‐se ni a dle digemeret ar seurt tud‐se, evit dond da veza ken‐labourerien ganthe evit ar wirionez.

⁹ Scrivet em euz d’an Iliz; mes Diotreph pehini a gar beza ar c’henta en ho zouez, na receo ket ac’hanomp.

¹⁰ Rag‐se, mar teuan, e tigassin sonj dezhan euz an oberou a ra, rag gwall‐gomz a ra en hon enep ha n’e ket awalc’h kement‐se, ne receo ket he‐unan ar breudeur, mes dond a ra c’hoas da herzel ar re a fell dezhe hen ober, ha d’ ho zeuler en meaz euz an Iliz.

¹¹ Va mignon, kemer skouer, nann euz an drouk, mes euz ar mad. An hini a ra ar mad, a zo euz a Zoue; mes an hini a ra an drouk, n’hen deuz ket gwelet Doue.

¹² An holl, hag ar wirionez he‐unan, a ro testeni vad da Zemetrius; ni hon‐unan a ro ive an destenize dezhan, ha c’houi a oar penaos hon testeni a zo gwirion.

¹³ Bez’ em boa meur a dra da scriva d’id; mes na fell ket d’in hen ober gant ar bluen ha gant liou;

¹⁴ rag esperoud a ran da velet hep‐dale, hag e komzimp genou ouz genou.

¹⁵ Ra vezo ar peoc’h ganez! Ar mignoned a zalud ac’hanoud. Salud ar mignoned, pep hini dre he hano.