1 Tesalonikiz 3 - Testamant Nevez 1897 (Jenkins)

CHABISTR III.

¹ Dre‐ze, o veza na hellemp gortoz pelloc’h, eo bet gwelloc’h ganeomp choum hon‐unan en Athen,

² hag hon euz kasset Timoteus, hor breur, ministr da Zoue, hag hor c’hen‐labourer en Aviel ar C’hrist, evit ho krenvaad, hag hoc’h exhorti divarben ho feiz;

³ evit na deuio den da goll courach en afflictionou‐man; rag c’houi a oar hoc’h‐unan penaos ez omp destinet da gement‐se.

⁴ Ha, pa oamp ganeoc’h, e lavaremp deoc’h penaos e rankjemp kaoud afflictionou, ha kement‐se a zo c’hoarvezet, her gouzoud a rit.

⁵ O veza eta ne hallen gortoz pelloc’h, e kassiz re all evit anaoud an doare euz ho feiz, gant aoun ne vec’h bet tromplet gant an tentatour, ha na vez eat hon labour da goll.

⁶ Mes Timoteus, o veza distroet, a‐nevez zo, euz ho pro d’hor c’havoud, hen deuz digasset deomp kelou mad euz ho feiz hag euz ho karantez, hag hen deuz lavaret deomp e talc’hec’h bepred eur sonj vad ac’hanomp, gant c’hoant vraz d’hor gwelet, evel ma teziromp‐ni ive ho kwelet.

⁷ Dre‐ze, breudeur, ez omp bet consolet dre ho feiz, en hon holl afflictionou hag en hon holl enkreziou.

⁸ Rag breman e vevomp, pa’z eo gwir e choumit stard en Aotrou.

⁹ Ha pebez actionou a c’hras na hellomp‐ni ket renta da Zoue abalamour deoc’h, evit an holl joa hon euz enoc’h dirag hon Doue!

¹⁰ Hen pedi a reomp calonec meurbed, noz‐deiz, ma c’hellimp gwelet ho pisach ha peur‐leunia ar pez a vank d’ho feiz.

¹¹ Ra zeuio Doue he‐unan, hon Tad, hag hon Aotrou Jesus‐Christ, da ren hor c’hammajou etrezeg enoc’h.

¹² Ha ra zeuio an Aotrou d’ho lakaad da greski er garantez ha d’he c’haoud enoc’h en abondans an eil e‐kenver egile, hag e‐kenver an holl, evel ma c’hoarvez ganeomp‐ni en ho kenver;

¹³ ha ra zeuio da grenvaad ho calonou, evit ma vezint direbech er zantelez dirag Doue hon Tad, pa zeuio hon Aotrou Jesus‐Christ gant he holl zent.