1 Korintiz 13 - Testamant Nevez 1897 (Jenkins)

CHABISTR XIII.

¹ Ha pa gomzfen langachou an dud, ha memeus langachou an elez; ma n’em euz ket ar garantez, ez oun evel an arem hag a zôn, pe evel eur zimbalen skiltrus.

² Ha pa’m befe an donezon da brofetisa, ha pa anavezfen an holl mysteriou hag an holl skiantchou; ha pa’m befe an holl feiz beteg diblasi ar meneziou; ma n’em euz ket ar garantez, n’ed oun netra.

³ Ha pa rofen va holl vadou evit maga ar beorien, ha pa rofen va c’horf evit beza devet; ma n’am euz ket ar garantez, kement‐se ne zervich d’in da netra.

⁴ Ar garantez a zo hir‐c’houzanvus, leun a vadelez; ar garantez n’eo ket c’hoantaüs; ar garantez ne blij ket dezhi en em veuli; n’em em c’houez ket gant an ourgouil;

⁵ ne ra netra divalo; na glask ket he interest he‐unan; ne fach ket;

⁶ ne sonj droug e‐bed; ne gemer ket a blijadur en injustis, mes en em rejouissa a ra deuz ar wirionez;

⁷ supporti a ra pep tra, cridi a ra pep tra, esperoud a ra pep tra, gouzanvi a ra pep tra.

⁸ Ar garantez na dremeno biken. Evit ar pez a zell ar profesiou, tremen a raint, al langachou a baouezo, hag ar wiziegez a vezo kasset da netra;

⁹ rag ne anavezomp ha ne brofetisomp ket mad awalc’h;

¹⁰ mes pa vezo deuet ar pez a zo parfet, neuze ar pez n’eo ket parfet a dremeno.

¹¹ Pa oann bugel, e komzen evel eur bugel, e comprenen evel eur bugel, e rezonen evel eur bugel; mes pa’z oun deuet da veza den, em euz dilezet kement a oa euz ar bugel.

¹² Breman e velomp dre eur mellezour, hep gwelet sclear, mes neuze e velimp faç ouz faç; breman ne anavezan ket mad, mes neuze ec’h anavezin evel ma’z oun bet anavezet.

¹³ Breman eta, e choum an tri dra‐man: ar feiz, an esperans, ar garantez; mes ar brassa anezhe eo ar garantez.