YOBA 25 - Jinghpaw Common Language Bible 2009

Bildad

^1-2 Karai Kasang gaw daru magam n-gun rawng nga ai; yawng mayawng hte gaw shi hpe hkrit ra nga ai; shi gaw sumsing lamu mungdan hta ngwi pyaw sim sa ai lam tawn da nu ai.

³ Shi hpe daw jau ai lamu kasa ni hpe kadai wa hti lu a ta? Karai Kasang a nhtoi n htoi ai shana nga nga a ni?

⁴ Kadai wa ding man lu a ta? Karai Kasang a man e kadai wa san seng lu na rai ta?

⁵ Shi a man e shata pyi htoi kabrim ai n rai; shagan ni mung san pra ai n rai.

⁶ Dai rai yang, masha gaw hpa wa rai ta? Byet, shingtai ni rai nga a ni? Karai Kasang a man e masha gaw hpa manu dan nga a ni?