SHAKAWN KUNGDAWN 67 - Jinghpaw Common Language Bible 2009

Chyeju Dum Ai Mahkawn Ga

^1-2 Karai Kasang e, anhte hpe matsan dum nna shaman ya mi; anhte hpe na a matsan dum lama ai myit hte mada mara nga u. Shing rai, mungkan ting gaw na a ra sharawng ai myit hpe chye wa lu mu ga; amyu baw ni yawng hte mung, na a hkye hkrang la ai lam hpe chye na lu mu ga.

³ O Karai Kasang e, na a amyu masha ni nang hpe shakawn lu mu ga; masha amyu baw nlang hte mung nang hpe shakawn lu mu ga!

⁴ Masha amyu ni hpe teng man ai tara hte nang jeyang ya nna; mungkan ga na amyu baw ni yawng hte hpe lam woi nga ndai majaw, amyu baw ni yawng kabu gara ai hte mahkawn shakawn nga mu ga.

⁵ O Karai Kasang e, masha amyu baw ni yawng nang hpe shakawn mu ga; masha amyu baw ni yawng hte mung nang hpe shakawn mu ga!

⁶ Lamu ga gaw shi a nsi naisi shapraw ya sai; Karai Kasang, anhte a Karai Kasang gaw anhte hpe shaman ya sai.

⁷ Karai Kasang gaw anhte hpe shaman ya mi ai, shara shagu hkan nga nga ai masha amyu yawng shi hpe shagrau sha-a nga mu law.