SHAKAWN KUNGDAWN 54 - Jinghpaw Common Language Bible 2009

Gumlau Hpyen Ni Kaw Na Makawp Maga La Na Matu, Akyu Hpyi Ai Ga

¹ O Karai Kasang e, na a daru magam n-gun hte ngai hpe hkye hkrang la e; na a grau htum ai n-gun hte ngai hpe shalawt dat e!

² O Karai Kasang e, nye a akyu hpyi ga hpe na ya e; nye a n-gup aga ni hpe madat ya e!

³ Gumrawng gumtawng ai ni ngai hpe gasat na matu sa wa nga ma ai; Karai Kasang hpe hpa zawn n nawn nga ai masha mazut ni mung, ngai hpe sat na matu shakut nga ma ai.

⁴ Rai ti mung, Karai Kasang gaw ngai hpe karum la ai wa rai nga ai; dai Madu gaw ngai hpe makawp maga ai wa rai nga ai.

⁵ Nye a gumlau hpyen ni hpe ari jaw na matu Karai Kasang gaw shanhte a n hkru ai hpe bai tai u ga; shi gaw sadi sahka myit rawng nga ai majaw, shanhte hpe shi shamyit kau na ra ai.

⁶ O Madu e, ngai nang hpe kabu gara ai myit hte shagu hkungga ni nawng jau na nngai; nang mai kaja nga ndai majaw ngai nang hpe chyeju dum nga na nngai.

⁷ Nye a ru tsang lam yawng kaw na, nang ngai hpe mawai la nga nit dai, nye a gumlau hpyen ni sum mat ai hpe ngai mu se ai.