SHAKAWN KUNGDAWN 2 - Jinghpaw Common Language Bible 2009

Karai Kasang E Lata La Ai Hkawhkam

¹ Masha amyu ni hpa majaw gumlau ai amu maw mawn ma ta? Amyu masha ni shanhte a akyu n pru ai mayun amu ni hpe hpa majaw galaw mayu nga ma ta?

² Dai Madu hte shi lata san da ai Hkawhkam wa hpe shanhte a hkawhkam ni gumlau nna, mung du ni mung ninghkap na matu jawm mayun bawng nga ma ai.

³ Shanhte gaw, “Shanhte a up hkang ai kata kaw nna, anhte hkum nan lawt lu u ga; shanhte tek jum da ai hpe anhte lamat kabai kau ga,” nga nna tsun ma ai.

⁴ Sumsing lamu hta nga ai shi a tingnyang kaw nna dai Madu gaw shanhte a gawng kya ai yaw shada lam ni hpe mani asawng ya nga ai.

⁵ Shing rai, shi gaw shanhte hpe masin pawt ai hte sadi jaw nhtawm shi a pawt sindawng ai hte shanhte hpe jahkrit mu ai.

⁶ Shi gaw, “Nye a chyoi pra ai kawng Ziun ntsa e nye a hkawhkam wa hpe arawng aya ngai ap ya ni ai,” nga nna tsun ai.

⁷ Hkawhkam wa gaw, “Madu kaning nga tsun ai lam hpe ngai tsun shabra na nngai,” nga nna tsun ai. Shi gaw ngai hpe, ‘Nang gaw nye a kasha rai nga ndai; dai ni, ngai gaw na a kawa tai nga ni ai.

⁸ Hpyi u, ngai nang hpe masha amyu baw ni hte shanhte a mungdan ni yawng hte hpe ap ya na de ai; lamu ga ting na a rai na ra ai.

⁹ Nang shanhte hpe hpri sumdoi hte shabya kau nna; nang shanhte hpe ga di bu langai mi hpe zawn ahkyep alep rai mat hkra, gamang kau na ndai,’” nga nna tsun ai.

¹⁰ Hkawhkam ni e, ya ndai sadi jaw ai ga ni hpe madat mu; mungkan ga a du salang ni e, ndai sadi jaw ai lam hpe sharin la mu:

¹¹ Dai Madu hpe hkrit hkungga ai hte daw jau mu;

¹² hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.