SHAKAWN KUNGDAWN 146 - Jinghpaw Common Language Bible 2009

Hkye La Madu Karai Kasang Hpe Shakawn Kungdawn Ai Ga

¹ Dai Madu hpe shakawn mu! Nye a wenyi e, dai Madu hpe shakawn kungdawn nga u!

² Ngai asak hkrung nga ai hte yang, shi hpe ngai shakawn nga na nngai; nye a asak prat tup, nye a Karai Kasang hpe mahkawn nga na nngai.

³ Shinggyim masha ni a ningbaw ningla ni hpe hkum kam hpa nga et; shinggyim masha kadai mung nang hpe hkye hkrang la lu na n rai.

⁴ Shanhte si mat wa ai shaloi, ga nhpu de bai nhtang mat wa ai; dai shani jang, shanhte a maw mawn ai lam yawng htum mat nga manu ai.

⁵ Yaku a Karai Kasang karum la ai lam hpe hkam la lu ai ni hte dai Madu shi a Karai Kasang hta shamyet shanat nga ai ni gaw a lu ma ai.

⁶ Shi gaw sumsing lamu hte ginding aga, panglai hte dai hta rawng marawng yawng hte a hpan Madu rai ngai ai. Shi gaw shi a ga sadi ni hpe tut nawng e a shatup nga ai.

⁷ Shi gaw dip gamyet sha hkrum ai ni a hpang maga de, tara dara ya nna; kaw si hkrum ai masha ni hpe lusha shahpa jaw ya nga ai. Dai Madu gaw bawng dung ai ni hpe mung shalawt dat wu ai.

⁸ Myi n mu ai ni hpe myi shamu ya nna, kataw ai ni hpe shi sharawt la nga ai; shi a ding hpring ai masha ni hpe shi tsaw ra nga ai.

⁹ Anhte a lamu ga hta nga ai tsasam masha ni hpe shi makawp maga ya nga ai; gaida gaina ni hte jahkrai nmai ni hpe shi karum ya nga ai, rai ti mung, tara n lang ai ni a maw mawn ai lam hpe chyawm gaw jahtum kau ya nga ai.

¹⁰ Dai Madu gaw htani htana hkawhkam wa rai nga ai, Ziun e, na a Karai Kasang gaw prat mi hte prat mi up nga na ra ai. Dai Madu hpe shakawn mu!